Maharshi Ne Raksha Mantraalaya Ke Prastaavon Par Kabhi Naheen Kiya Kaam Vitt Mantraalaya

Business »

Maharshi Ne Raksha Mantraalaya Ke Prastaavon Par Kabhi Naheen Kiya Kaam Vitt Mantraalaya

Nayi Delhi, 11 February (bhaasha) vitt mantraalaya ne raafel saude par hiton ke takaraav ke aaropon ke beech somvaar ko kaha ki aarthik maamalon ke poorv sachiv Rajiv maharshi ne kabhi bhi raksha mantraalaya ke kharch ke prastaavon par kaam naheen kiya hai. vipakshi party Congress ka aarop hai ki Bhaarat ke niyantrak evam mahaalekha pareekshak Rajiv maharshi ko raafel saude ke lekha-pareeksha report se khud ko alag kar lena chaahiye kyonki vah is saude par chal rahi baatcheet ke samay vitt sachiv the. Vitt mantraalaya ka yeh spashteekaran isi prushthabhoomi mein aaya hai. mantraalaya ne ek aadhikaarik bayaan mein kaha ki maharshi 31 October 2014 ko aarthik maamalon ke vibhaag ke sachiv ke roop mein mantraalaya se jude the. Paanchon sachivon mein sabse varishth hone ke naate unhein 11 November 2014 ko vitt sachiv banaaya gaya tha. Vah 31 August 2015 tak vitt sachiv aur aarthik maamalon ke sachiv ke pad par rahe. mantraalaya ne kaha ki vyaya vibhaag sarkaar ke sabhi mantraalayon ko vitteeya aavantan ka maamala dekhta hai. At: Us samay raksha khareed se juda koi bhi dastaavej vyaya vibhaag ke tatkaaleen sachiv ke samaksh gaya hoga na ki tatkaaleen vitteeya maamalon ke sachiv maharshi ke samaksh. bayaan mein kaha gaya, ''Yeh daava karna ki aarthik maamalon ke sachiv vitt sachiv ke naate raksha mantraalaya ke kharch se jude maamale dekhte honge, tathyon ke saath chhedkhaani hai aur kori kalpana par aadhaarit hai.

Maharshi Ne Raksha Mantraalaya Ke Prastaavon Par Kabhi Naheen Kiya Kaam Vitt Mantraalaya http://www.angrejinews.com/pic/254145