Maharashtra Train Haadase Mein Marne Vaalon Ki Sankhya 21 Hui

Breaking »

Maharashtra Train Haadase Mein Marne Vaalon Ki Sankhya 21 Hui

Raayagadh: Maharashtra mein ek yaatri relagaadi ke chaar dibbe va engine ravivaar ko patari se utar jaane ke kaaran hue haadase mein marnewaalon ki sankhya 21 ho gayi hai. Vibhinn aspataalon mein somvaar ko teen anya logon ki maut ho gayi. raayagadh ke police adhikaari PK Patil ne bataaya ki maut ki soochana vibhinn aspataalon se mili hai, jahaan unka ilaaj chal raha tha. haadase mein ghaayal kareeb 120 logon ko naagothaane, roha aur aleebaag ke vibhinn aspataalon mein bharti karaaya gaya hai. Gambhir roop se ghaayal ek vyakti ko Mumbai le jaaya gaya hai. is beech, konkan railway line par haadase ke baad se hi band yaatri rel evam maalagaadi ka parichaalan bahaal kar diya gaya hai. Adhikaariyon ka kehna hai ki is line par parichaalan somvaar subah paanch baje se shuroo ho gaya hai. Kai railgaadiyon ko 18 ghante ki deri ke baad ravaanagi ki anumati de di gayi hai. durghatana ravivaar ko subah 9.40 baje hui, jab yaatriyon se bhari diva-saavantavaadi passenger train ke chaar dibbe va engine Mumbai se 100 kilometer dakshin naagothaane ke paas patari se utar gaye. railway ke ek varishth adhikaari ka kehna hai ki shuruaati jaanch se maaloom hota hai ki sambhavat: Relagaadi mein kaheen toot thi, jiske kaaran chaar dibbe va engine patari se utar gaye. Rel mantraalaya ne ghoshana ki hai ki railway suraksha aayukt chetan bakhshi is ghatna ki jaanch kareinge. ek adhikaari ne bataaya ki Maharashtra ke mukhyamantri pruthveeraaj chavhaan somvaar ko ghatnaasthal ka daura kareinge aur aspataalon mein ghaayalon se bhi mulaakaat kareinge.

Maharashtra Train Haadase Mein Marne Vaalon Ki Sankhya 21 Hui http://www.angrejinews.com/pic/49610