Maharashtra 65 Lakh Ki Rishvat Lete Range Haath Pakada Gaya Hawaldaar

Breaking »

Maharashtra  65 Lakh Ki Rishvat Lete Range Haath Pakada Gaya Hawaldaar

Jalgaon: Maharashtra mein Jalgaon jile ke chaaleesagaanv police thaane mein tainaat hawaldaar vipin tivaari ko 65 lakh rupaye ki rishvat lete hue anti corruption bureau ne range haath giraftaar kiya hai aur sthaaneeya adaalat ne use 1 February tak ke liye police remand par saunp diya hai. Daraasal, samruddh Bhaarat naamak ek company ke khilaaf kisi gaanv vaale ne dhokhaaghadi ke aarop mein police mein shikaayat darj karavaai thi, jiski jaanch ke liye vipin tivaari ko bheja gaya tha. Company ke adhikaariyon ne uske baad anti corruption bureau mein shikaayat darj karaai ki hawaldaar vipin tivaari ne unase ek karod rupaye ki ghoos maangi hai. Bureau ne iske baad jaal bichhaaya aur hawaldaar ko 65 lakh rupaye ki pehli kist lete hue range haath pakad liya. Is maamale mein is pahaloo ki bhi jaanch ki ja rahi hai ki uske alaava police vibhaag ke kaun-kaun adhikaari ismein shaamil hain aur isi kaaran filhaal thaane ke inspector ka tabaadala mukhyaalaya mein kar diya gaya hai. Sootron se pata chala hai ki hawaldaar vipin tivaari ke paas lagbhag 2.5 karod rupaye ki sampatti hai, isliye is baat ki bhi jaanch ho rahi hai ki aakhir ek hawaldaar ke paas itni badi rakam kahaan se I.

Maharashtra 65 Lakh Ki Rishvat Lete Range Haath Pakada Gaya Hawaldaar http://www.angrejinews.com/pic/730