Mahakumbh Mein Teesare Shaahi Snaan Par Laakhon Ne Lagaai Dubaki

Breaking »

Mahakumbh Mein Teesare Shaahi Snaan Par Laakhon Ne Lagaai Dubaki

Lucknow: Allahabad mein Mahakumbh mein aaj teesara aur aakhiri shaahi snaan chal raha hai. Bansat panchami ke mauke par laakhon shraddhaalu sangam mein dubaki laga rahe hain. Der raat se hi shraddhaaluon ka sangam tat par jutana shuroo ho gaya tha. Mauni amaavasya ke din machi bhagadad ke baad is baar prashaasan jyaada satark hai aur behtar intajaam karne ka daava kiya ja raha hai. Allahabad ke DCP ke mutaabik railway ne Kumbh ke liye saamaanya trainon ke alaava 70 atirikt vishesh trainein chalaai hain. Iske alaava shraddhaaluon ki suvidha ke liye uttar pradesh roadways ne bhi rojaana chal rahi bason ke alaava 1500 atirikt basein chalaai hain. Iske saath hi shahar mein doosare kisi bhi bhaari vaahan ke pravesh par bhi rok laga di gayi hai aur yeh rok 16 taareekh ki shaam tak laagoo rahegi. Pichhle shaahi snaan ke baad machi bhagadad mein maare gaye logon ke prati samvedna jataate hue akhaade is baar band baaja, dhol-nagaade chhodakar saadagi ke saath shaahi snaan ke liye pahunch rahe hain. 10 taareekh ko hue haadasa ka logon ki sankhya par koi asar naheen dikh raha. Aaj bhi kareeb do karod logon ke snaan ke liye pahunchane ka anumaan hai.

Mahakumbh Mein Teesare Shaahi Snaan Par Laakhon Ne Lagaai Dubaki http://www.angrejinews.com/pic/1958