Maha-mukaabale Ke Liye Kile Mein Tabdeel Hua Varanasi

Breaking »

Maha-mukaabale Ke Liye Kile Mein Tabdeel Hua Varanasi

Varanasi: mandiron aur ghaaton ke liye mashahoor Varanasi shahar matadaan se pehle kile mein tabdeel ho gaya hai, jahaan kal nishpaksh aur svatantr matadaan ke liye 45 hajaar se adhik surakshaakarmi tainaat kiye gaye hain. Yahaan bhaajapa ke Narendra Modi aur aam aadmi party ke Arvind Kejriwal ke beech kada mukaabala hai. uttar pradesh ke aala police adhikaari khud suraksha haalaat ka jaayaja lene yahaan aae hain aur 2014 ke Loksabha chunaav ke sabse aham maha-mukaabale ke liye pukhta bandobast kiye gaye hain. Chunaav aayog ne ek vishesh paryavekshak ki bhi niyukti ki hai. shahar ke lagbhag har hisse mein aur graameen ilaakon mein sashastr surakshaakarmi dekhe ja sakte hain. Police ne kaha ki chunaavon ke dauraan booth kaipchar karne aur dhaandhali samet kisi bhi tarah ki aashanka naheen honi chaahiye. police mahaanireekshak prakaash di (Varanasi sanbhaag) ne kaha ki raajya police, BSF, aaraeef aur CRPF ke surakshaakarmi paryaapt sankhya mein tainaat kiye gaye hain aur nishpaksh tatha svatantr chunaavon ke liye harsambhav kadam uthaae gaye hain. Sabhi 1562 matadaan keindron par keindreeya ardhasainik balon ko tainaat kiya gaya hai, jo CCTV nigraani mein hain. police ne pichhle do din mein anek ilaakon mein chhaape maare hain aur ehatiyaatan jaanch ki hai. 'Samvedansheel' kshetr ke taur par pahachaane gaye ilaakon mein kadi najar rakhi ja rahi hai. Prashaasan ne un sabhi logon se Varanasi se jaane ko kaha hai jo prachaar mein shaamil rahe, lekin shahar mein naheen rahate. Police yahaan hotelon, atithigruhon aur dharmashaalaaon mein chhaape maarkar baahari logon ka pata laga rahi hai, jo Varanasi ke naheen hain aur prachaar mein bhaag le rahe the.

Maha-mukaabale Ke Liye Kile Mein Tabdeel Hua Varanasi http://www.angrejinews.com/pic/50267