Madhya Pradesh Shivraaj Singh Chauhaan Par Haardik Ka Tanj, Yeh Lene Vaale 'Maama', Dene Vaale Naheen

India »

Madhya Pradesh Shivraaj Singh Chauhaan Par Haardik Ka Tanj, Yeh Lene Vaale 'Maama', Dene Vaale Naheen

Bhopal Paateedaar neta aur nav nirmaan sena ke adhyaksh haardik Patel ne ek baar fir BJP ke khilaaf morcha khola hai. Patel ne do took kaha ki aane vaale raajya vidhaanasabha chunaavon mein vah BJP ke khilaaf prachaar kareinge. Ek kaaryakram mein shaamil hone madhya pradesh pahunche Patel ne kaha ki jis bhi raajya mein vidhaanasabha chunaav hoga, vah vahaan BJP ke khilaaf prachaar karne jaroor jaaenge. Is dauraan soobe ke mukhyamantri shivraaj Singh chauhaan par tanj kasate hue haardik ne kaha ki yeh keval lene vaale maama (shivraaj ko is naam se bhi log bulaate hain) hain, kuchh dene vaale naheen hain. Bhopal pahunche haardik Patel ne patrakaaron se baatcheet mein kendra ki Modi sarkaar ke saath hi shivraaj sarkaar ki bhi aalochna ki. Haardik ne kaha, 'Main Madhya Pradesh, Rajasthan aur Chhattisgarh mein hone vaale aagaami vidhaanasabha chunaav mein bhi sakriya rahoonga aur BJP ke khilaaf prachaar karoonga. Padhein - Ab madhya pradesh aur Rajasthan mein BJP ki neend udaaenge haardik Haardik ne kaha ki unka madhya pradesh mein aana kisi ko pasand na aae to na aae lekin vah yahaan aate raheinge. Haardik ne kaha, 'Main yahaan aata rahoonga main yahaan aakar kisaanon ki bhi baat karoonga, rojagaar aur yuvaaon ko achhi shiksha ki bhi baat karoonga. ' BJP aur isse jude sangathanon ka naam liye bagair haardik ne kaha, 'Jo hindu aur musalmaan ki raajaneeti karte hain. Desh ko todne ki baat karte hain. Use ve log jaativaad naheen kehte. Use ve log raashtravaad kehte hain. ' is dauraan CM shivraaj Singh chauhaan ki aalochna karte hue haardik ne kaha ki yahaan chupachaap bhrashtaachaar chalta hai. Pradesh ke andar kisaanon par pichhle saal mandasaur mein goli chalaai gayi aur bade paimaane par vyaapaman ghotaala hua. 'Rahul se mil raha kisi aatanki se naheen' Haardik ne kaha, 'Main yahaan chunaavi raajaneeti naheen kar raha hoon. Main abhi 24 saal ka hoon aur chunaav naheen lad sakta. ' Congress adhyaksh Rahul Gandhi se milne ke savaal par unhonne kaha, 'Main hindustaani se mil raha hoon. Aatankvaadi se naheen mil raha hoon. ' Gujarat chunaav: Haar ke baad haardik Patel ne EVM par uthaae savaalaX.

Madhya Pradesh Shivraaj Singh Chauhaan Par Haardik Ka Tanj, Yeh Lene Vaale 'Maama', Dene Vaale Naheen http://www.angrejinews.com/pic/193430