Madhya Pradesh Maan Par Daali Buri Najar To Kar Di Hatya

Breaking »

Madhya Pradesh  Maan Par Daali Buri Najar To Kar Di Hatya

Raayasen: Raayasen police ne ek saptaah pehle hui hatya ka khulaasa karte hue aaropi pita putr ko giraftaar kar liya hai. Maamale ka pardaafaash karte hue police ne bataaya ki 27 January ko gram airan ke jungle mein himmat Singh ka shav baraamad kiya tha. Uske baad jaanch-padtaal ke dauraan sandeh ke aadhaar par himmat ke mausere bhaai vipta bhoin aur uske putr Lakshman ko bulaakar poochhataachh ki gayi. Donon ne himmat ki hatya karna sveekaar kiya hai. Lakshman ne bataaya ki ghatna waali raat himmat Singh unke ghar aakar usaki maan ke saath chhedchhaad kar raha tha. Apni maujoodagi mein maan ke saath chhedchhaad se gussaae pita-putr ne himmat ki hatya kar di. Uske shav ko bori mein band kar jungle le gaye aur vaheen kulhaadi se usaka sir aur ek haath kaatkar door feink diya tha. Usaka ek haath isliye kaatkar door feink diya tha ki usane usi haath se usaki maan ko pakada tha. Police adheekshak shashikaant shukla ne bataaya ki police ne pita-putr donon ko giraftaar kar dhaara 302, 201, 34 ke tahat maamala darj kar aaropiyon ko nyaayaalaya mein pesh kiya, jahaan se unhein jail bhej diya gaya hai.

Madhya Pradesh Maan Par Daali Buri Najar To Kar Di Hatya http://www.angrejinews.com/pic/1064