Maayaavati Ke Saath Saajha Press Conference Se Pehle Bole Akhilesh, 'Loksabha Chunaav Mein Milkar Laharaaenge Jeet Ka Paracham

Breaking »

Maayaavati Ke Saath Saajha Press Conference Se Pehle Bole Akhilesh, 'Loksabha Chunaav Mein Milkar Laharaaenge Jeet Ka Paracham

Kannaujasamaajavaadi party ke raashtreeya adhyaksh Akhilesh Yadav ne shukravaar ko kaha ki samaajavaadi party (SP) aur bahujan samaaj party (BSP) milkar Loksabha chunaav mein jeet ka paracham laharaaenge. Unhonne kaha ki pichhle saal Loksabha upachunaav mein ham saath aae to pradesh ke mukhyamantri aur upamukhyamantri ki seat par BJP chunaav haar gayi. Is baar bhi hamaara ganit sateek baithega aur BJP ko haar ka munh dekhna padega. Akhilesh shukravaar ko kannauj mein E-chaupaal mein logon ko sambodhit kar rahe the. Is dauraan unhonne kaha, 'Ham logon ko in afavaah failaane vaalon yaani BJP ke logon se bachakar rahana hoga. Mera to itna hi kehna hai ki agar hamako unnati karni hai to jaat-paat ki baat chhodni hogi. BJP sarkaar logon ko har star par gumaraah kar rahi hai. Akhilesh ne kaha ki shanivaar ko Lucknow mein SP aur BSP ki sanyukt press conference hogi. ' Unhonne kaha, 'Hamaare saath aane par BJP ke saath Congress ke andar bhi kaafi bhaya hai. ' BSP ke saath gathabandhan par uth rahe savaalon ke beech Akhilesh ne kaha ki kshetreeya dalon ke saath gathabandhan kar hi BJP itni majaboot hui hai. Ab ham bhi gathabandhan kar apni taakat badha rahe hain. Chaupaal mein CBI poochh-taachh par bolte hue unhonne kaha ki CBI ko jo kuchh bhi poochhana hai vah chunaav ke baad poochhe. Is dauraan naya naara dete hue unhonne kaha ,'Hamaara kaam bolata hai, BJP ka dhokha bolata hai. ' Gaanvavaalon ko twitter chalaana sikhaaya Akhilesh ne twitter ke jariye gaanvavaalon ko digital duniya ki jaroorat ke baare mein bhi bataaya. Iski shuruaat kannauj jile ke fakeerapur gaanv se ki gayi hai, jismein unke saath twitter India ke global vaais prejideint kaulin krauvel bhi the. Kannauj ki E-chaupaal mein logon ko social media ke saath hi twitter ke istemaal ka tareeka bataaya gaya. Isi dauraan SP mukhiya ne twitter ke jariye gaanvavaalon se apni baat kahi. Sootron ke anusaar, Akhilesh kannauj se hi Loksabha chunaav ladne ki taiyaari mein hain, lekin abhi iski pushti naheen hui hai.

Maayaavati Ke Saath Saajha Press Conference Se Pehle Bole Akhilesh, 'Loksabha Chunaav Mein Milkar Laharaaenge Jeet Ka Paracham http://www.angrejinews.com/pic/247160