Maayaavati Aur Akhilesh Ki Saajha Press Conference Kal, Gathabandhan Ka Ho Sakta Hai Ailaan

Breaking »

Maayaavati Aur Akhilesh Ki Saajha Press Conference Kal, Gathabandhan Ka Ho Sakta Hai Ailaan

Lucknow Bahujan samaaj party (BSP) supreemo maayaavati aur samaajavaadi party (SP) adhyaksh Akhilesh Yadav shanivaar ko Lucknow mein saajha press conference karne ja rahe hain. Is baat ke kayaas lagaae ja rahe hain ki donon aagaami Loksabha chunaav ke liye gathabandhan ki ghoshana kar sakte hain. Saath hi is dauraan seaton ke bantavaare ko lekar ailaan bhi sambhav hai. Aisi atkalein hain ki donon dal gathabandhan mein Congress ko shaamil naheen kareinge aur UP mein 37-37 seaton par chunaav ladeinge. Gandhi parivaar ke paramparaagat gadh amethi aur raayabareli mein gathabandhan ummeedavaar naheen utaarega. Press conference dopahar 12 baje hogi. UP ki raajaneeti aur khaaskar SP-BSP ke liye shanivaar ka din behad aham hoga. Aisa pehli baar hoga jab UP ki raajaneeti ke do diggaj maayaavati aur Akhilesh Yadav saath-saath media se roobaroo honge. Press conference Lucknow ke hotel taaj mein hogi jiske liye media ko aamantrit kiya gaya hai. Yeh aamantran SP ke raashtreeya sachiv raajeindr chaudhari aur BSP ke raashtreeya mahaasachiv sateesh chandra mishra ki or se bheja gaya hai. Isse pehle Ram mandir aandolan ke daur mein 1993 meinn SP aur BSP ne saath milkar chunaav lada tha aur BJP ko shikast dete hue raajya mein gathabandhan sarkaar banaai thi. Bata dein ki guruvaar ko BSP cheef maayaavati teen maheene baad Delhi se Lucknow pahunchi theen. Padhein: Yoopee: Akhilesh-maayaavati ki 'Dosti' dohara sakti hai 25 saal puraani kaamayaabi! Kal hogi PC Is press conference mein Congress ko shaamil naheen kiya gaya hai. Aise mein is baat ki poori sambhaavana hai ki Congress donon ke gathabandhan ka hissa naheen hogi. Pehle aisa kaha ja raha tha ki maayaavati apne janmadin (15 January) par gathabandhan ka ailaan kar sakti hain lekin saajha PC ki taareekh tay hone ke saath hi yeh ailaan ab pehle hona tay maana ja raha hai. Padhein: UP: SP-BSP ne mahaagathabandhan se rakha baahar to yeh hoga Congress ka 'P‍aalaan bi' UP mein 80 Loksabha seatein hain. Maana ja raha hai ki donon paartiyaan 37-37 Loksabha seaton par chunaav lad sakti hain. Vaheen Congress ke gathabandhan mein shaamil hone ki sthiti mein unhein sirf unki paramparaagat do seatein- amethi aur raayabareli di jaaengi. Aaraeladi ke bhi is gathabandhan mein shaamil hone ki sambhaavana hai, jise 2 se 3 seat di ja sakti hai. Yeh bhi kaha ja raha hai ki agar Akhilesh aur maaya gathabandhan karte hain to 25 saal pehle ka karishma fir se doharaaya ja sakta hai, jab SP supreemo mulaayam Singh Yadav ne kaansheeraam ke saath BJP ke rokane ke liye haath milaakar UP mein sarkaar banaai thi. Mulaayam Singh Yadav ke bete Akhilesh Yadav aur kaansheeraam ki uttaraadhikaari maayaavati ka yeh kadam ek baar fir se BJP ko hi rokane ke liye hai, jisne saal 2014 ke Loksabha chunaavon aur 2017 ke vidhaanasabha chunaav mein vipaksh ko haashiye par dhakel diya tha.

Maayaavati Aur Akhilesh Ki Saajha Press Conference Kal, Gathabandhan Ka Ho Sakta Hai Ailaan http://www.angrejinews.com/pic/247017