Maanasarovar Yaatra Ke Vaikalpik Maarg Par Faisala Naheen

Breaking »

Maanasarovar Yaatra Ke Vaikalpik Maarg Par Faisala Naheen

vishesh pratinidhi, nai Delhi Kailash maanasarovar ke liye nae vaikalpik maarg ki sambhaavnaaon par Bhaarat aur cheen ke adhikaari baat kar rahe hain. Cheen mein seema masalon par chhathe daur ki vaarta mein yeh masala utha, lekin koi faisala naheen ho saka. Yahaan raajanayik sootron ke mutaabik, pichhle saal uttaraakhand mein I bheeshan baadh se Tibet jaane vaala maarg tabaah ho gaya tha. Haalaanki aagaami June ke pehle saptaah se shuroo hone waali Kailash maanasarovar yaatra ke liye maarg taiyaar ho chuka hai, lekin Bhaarat ki or se vaikalpik maarg ka prastaav diya gaya hai. Bhaarat ke is prastaav par cheen ki or se kuchh dikkatein bataai gayi hain. Cheen ne kaha ki Bhaarat dvaara prastaavit maarg maujooda maarg se kaafi lamba hai aur vahaan dhaanchaagat kathinaaiyaan bhi hain. Cheeni adhikaariyon ke mutaabik is raaste ki sadak kaafi khasta haalat mein hai aur is maarg par kamyoonikeshan aur aavaas ki suvidhaaen bhi naheen hain. Sootron ke mutaabik, Bhaarat ne jis vaikalpik maarg ki peshakash ki hai vah dakshini Laddakh ke demachak se hokar jaata hai. Yeh ilaaka adhikaansh maidaani hai aur is maarg par vaahan ja sakte hain. Teen sau kilometer ke is nae maarg se behtar aavaajaahi ho sakti hai. Jabki maujooda maarg uttaraakhand- Tibet seema par dhaarachula se hokar Tibet ke bheetar jaata hai. Draw mein nikle yaatriyon ke naam Kailash maanasarovar ki 12 June se shuroo ho rahi yaatra ke shraddhaaluon ke naamon ki lautari nikaalne ke mauke par videsh sachiv sujaata Singh ne kaha ki yeh yaatra Bhaarat aur cheen ke beech dosti aur sahayog ka prateek hai. Unhonne kaha ki yaatra mein shaamil hone vaale shraddhaalu cheen mein Bhaarat ke saanskrutik doot ki tarah maane jaate hain. Videsh mantraalaya dvaara 1981 se aayojit kiye jaane vaale yaatra kaaryakram ke tahat is saal 1080 yaatriyon ka chayan kiya gaya hai, jo 60 yaatriyon ke 18 baich mein jaaenge. 22 dinon mein poori hone waali yeh yaatra uttaraakhand se hokar Tibet mein lipulekh darre se hokar jaati hai. Vishesh pratinidhi, nai Delhi Kailash maanasarovar ke liye nae vaikalpik maarg ki sambhaavnaaon par Bhaarat aur cheen ke adhikaari baat kar rahe hain. Cheen mein seema masalon par chhathe daur ki vaarta mein yeh masala utha, lekin koi faisala naheen ho saka. Yahaan raajanayik sootron ke mutaabik, pichhle saal uttaraakhand mein I bheeshan baadh se Tibet jaane vaala maarg tabaah ho gaya tha. Haalaanki aagaami June ke pehle saptaah se shuroo hone waali Kailash maanasarovar yaatra ke liye maarg taiyaar ho chuka hai, lekin Bhaarat ki or se vaikalpik maarg ka prastaav diya gaya hai. Bhaarat ke is prastaav par cheen ki or se kuchh dikkatein bataai gayi hain. Cheen ne kaha ki Bhaarat dvaara prastaavit maarg maujooda maarg se kaafi lamba hai aur vahaan dhaanchaagat kathinaaiyaan bhi hain. Cheeni adhikaariyon ke mutaabik is raaste ki sadak kaafi khasta haalat mein hai aur is maarg par kamyoonikeshan aur aavaas ki suvidhaaen bhi naheen hain. Sootron ke mutaabik, Bhaarat ne jis vaikalpik maarg ki peshakash ki hai vah dakshini Laddakh ke demachak se hokar jaata hai. Yeh ilaaka adhikaansh maidaani hai aur is maarg par vaahan ja sakte hain. Teen sau kilometer ke is nae maarg se behtar aavaajaahi ho sakti hai. Jabki maujooda maarg uttaraakhand- Tibet seema par dhaarachula se hokar Tibet ke bheetar jaata hai. Draw mein nikle yaatriyon ke naam Kailash maanasarovar ki 12 June se shuroo ho rahi yaatra ke shraddhaaluon ke naamon ki lautari nikaalne ke mauke par videsh sachiv sujaata Singh ne kaha ki yeh yaatra Bhaarat aur cheen ke beech dosti aur sahayog ka prateek hai. Unhonne kaha ki yaatra mein shaamil hone vaale shraddhaalu cheen mein Bhaarat ke saanskrutik doot ki tarah maane jaate hain. Videsh mantraalaya dvaara 1981 se aayojit kiye jaane vaale yaatra kaaryakram ke tahat is saal 1080 yaatriyon ka chayan kiya gaya hai, jo 60 yaatriyon ke 18 baich mein jaaenge. 22 dinon mein poori hone waali yeh yaatra uttaraakhand se hokar Tibet mein lipulekh darre se hokar jaati hai.

Maanasarovar Yaatra Ke Vaikalpik Maarg Par Faisala Naheen http://www.angrejinews.com/pic/49163