Maaladeev Mein Badhi Imarjeinsi Se Baukhalaaya America

World »

Maaladeev Mein Badhi Imarjeinsi Se Baukhalaaya America

Washington America ne imarjeinsi ki avadhi ko 30 din tak aur badhaane ke maaladeev sarkaar ke nirnaya par naaraajagi jataai hai. America ne raashtrapati abdulla yaameen se desh mein kaanoon vyavastha banaae rakhane ko kaha bhi kaha hai. Gaurtalab hai ki maaladeev ki sansad ne raashtrapati abdulla yaameen ki sifaarishon ko manjoor karte hue kal (mangalvaar) desh mein aapaatakaal ki avadhi 30 din aur badha di thi. Is par America ki rai jaahir karte hue ameriki videsh mantraalaya ki pravakta Heather nort ne kaha, ''America is khabar se khafa hai ki maaladeev ke raashtrapati yaameen ne desh mein imarjeinsi ki avadhi 30 dinon ke liye badha di hai. '' Heather ne aage kaha, ''America raashtrapati yaameen se imarjeinsi ko samaapt karne aur kaanoon vyavastha barkaraar rakhane, sansad aur nyaayapaalika ko poorn aur uchit kaarravaai karne ki ijaajat dene, maaladeev ki janta ke samvidhaan pradatt adhikaaron ko bahaal karne aur maaladeev ke antararaashtreeya maanavaadhikaar baadhyataaon tatha pratibddhataaon ka sammaan karne ki appeal karta hai. '' Maaladeev ki The Independent website ke anusaar, matadaan ke liye keval 38 saansad upasthit the. Imarjeinsi ki avadhi samaapt hone se pehle hi matadaan hua tha. Samvidhaan ke mutaabik, matadaan ke liye 43 saansadon ki jaroorat hoti hai, baavajood iske keval 38 saansadon ne matadaan kiya. Is website ke mutaabik, sabhi 38 saansad sattaadhaari dal ke the aur unhonne imarjeinsi ki avadhi badhaae jaane ko manjoori de di. Vaheen vipaksh ne matadaan ka bahishkaar kiya. Ab desh mein 22 March tak imarjeinsi rahegi. Vaheen maale mein cheen ka dakhal badha hai, jispar Wall street journal ke sampaadkeeya mein chinta vyakt ki gayi hai. Samaachaar patra mein kaha gaya, ''Shi chinfing ki belt end road pariyojana cheen ki badhti shaktiyon aur prabhaav ka vistaar karti hai aur maale is nuksaan ka ek udaaharan hai. America ke videsh mantri reks tilrasan cheen ki is pravatti ko luteri arthavyavastha kehte hai. . . Kai maamalon mein yeh sahi bhi hai. '' Is sampaadkeeya mein yeh bhi likha gaya hai ki Bhaarat is baat se chintit hai ki cheen hind mahaasaagar mein apni sainya maujoodagi badhaane ke liye maaladeev ke bandargaah ka istemaal kar sakta hai. Saath hi maaladeev ke saath Bhaarat ke aarthik sambandh ghat rahe hain.

Maaladeev Mein Badhi Imarjeinsi Se Baukhalaaya America http://www.angrejinews.com/pic/193657