Los Chunaav Se Pehle Ghoshit Ho PM Pad Ka Ummeedavaar Neeteesh Kumar

Breaking »

Los Chunaav Se Pehle Ghoshit Ho PM Pad Ka Ummeedavaar  Neeteesh Kumar

Patna: Raajag mein pradhaanamantri pad ke ummeedavaar ko lekar uhaapoh ki sthiti aur Gujarat ke mukhyamantri Narendra Modi ka naam ek dhade dvaara pramukhata se uchhaale jaane ke beech Bihar ke mukhyamantri neeteesh Kumar ne somvaar ko kaha ki PM pad ke ummeedavaar ki ghoshana chunaav ke pehle honi chaahiye. Pradhaanamantri pad ke ummeedavaar ki ghoshana chunaav se pehle hone ke savaal par mukhyamantri ne kaha, ''Haan yah hona chaahiye. Aapne theek kaha hai. Is baare mein main pehle bhi apni rai day chuka hoon. '' Loksabha chunaav se ek varsh poorv pradhaanamantri pad ka ummeedavaar ghoshit kar raajag dvaara janta mein spasht sandesh diye jaane ke prashn ke javaab mein neeteesh ne kaha, ''Pradhaanamantri pad ke ummeedavaar ki ghoshana ki samay seema ke baare mein mainne koi bayaan naheen diya hai. Pradhaanamantri pad ke baare mein jaroori naheen hai ki pratidin ek hi vishay ko doharaaya jaae. '' Unhonne kaha ki pradhaanamantri pad aur anya muddon par unhonne apni rai beete varsh ek angreji dainik ko diye saakshaatkaar mein achhi tarah spasht kar di hai. Iske alaava unhonne kisi prakaar ka bayaan naheen diya hai. Mukhyamantri ne kaha ki pradhaanamantri pad ka ummeedavaar kab tay karna hai aur kya karna hai, yah nirnaya raajaneetik dalon par chhod dena chaahiye. Unhonne pradhaanamantri pad ka ummeedavaar tay karne ke maamale mein kaha, ''Kab aur kya ka adhikaar ham logon ke liye chhod dena chaahiye. Yah sab ham apne tareeke se karein to theek rahega. Yah pratidin ki bahas ka mudda naheen hona chaahiye. '' Ek angreji dainik ko beete varsh diye vistrut saakshaatkaar mein neeteesh ne kaha tha ki raajag ko pradhaanamantri pad ka ummeedavaar chunaav se poorv ghoshit karna chaahiye, pradhaanamantri ka ummeedavaar sabko sveekaarya hona chaahiye aur ummeedavaar pichhde raajyon ka pratinidhitv karne vaala hona chaahiye. Neeteesh aaj janta ke darbaar mein mukhyamantri kaaryakram se itar samvaadadaataaon ke prashnon ka javaab day rahe the. Unhonne kaha, ''Pradhaanamantri ke ummeedavaar ke baare mein jadayoo ke raashtreeya adhyaksh sharad Yadav bhi kah chuke hain ki yah gathabandhan ki baithak mein tay hona chaahiye. '' Madhyaavadhi chunaavon ki aashanka ke baare mein poochhane par mukhyamantri ne kaha, ''Meri samajh se Loksabha chunaav apne tay samay par honge. Baharahaal chunaav ka faisala kendra mein baithe logon (Congress) ko karna hai. Ham kisi bhi sthiti ke liye taiyaar hain. ' Neeteesh ne kaha ki pradhaanamantri pad ke ummeedavaar ko lekar raajag mein kisi prakaar ke 'Bhram' ki sthiti naheen hai. Media ise uchhaal raha hai.

Los Chunaav Se Pehle Ghoshit Ho PM Pad Ka Ummeedavaar Neeteesh Kumar http://www.angrejinews.com/pic/1682