Loksabha Chunaav Saatavein Charan Mein 11 Karod Ne Kiya Matadaan

India »

Loksabha Chunaav  Saatavein Charan Mein 11 Karod Ne Kiya Matadaan

Nai Delhi: Loksabha chunaav ke saatavein charan ke tahat guruvaar ko 11 raajyon aur ek kendra shaasit pradesh Puducherry ki 117 seaton par karaae gaye matadaan mein kareeb 11 karod logon ne apne mataadhikaar ka prayog kiya. 117 saansadon ka chunaav karne ke liye 18 karod matadaataaon mein se kareeb 60 pratishat ne 201,735 matadaan keindron par matadaan kiya. Is charan mein 2,098 pratyaashi bhaagya aajama rahe hain. up chunaav aayukt aalok sinha ne desh bhar mein matadaan sampann hone ke baad kaha, "Chhitput ghatnaaon ko chhod vyaapak taur par matadaan shaantipoorn raha" guruvaar ko hue matadaan ke saath hi Loksabha ki 543 seaton mein 349 ke liye matadaan poora ho chuka hai. Shesh seaton ke liye agale teen charanon mein matadaan karaae jaaenge. Antim charan 12 May ko hoga jiske chaar dinon baad 16 May ko parinaam ghoshit kiye jaaenge. chunaav aayog ne kaha ki poori prakriya saamaanya roop se chal rahi hai. Asam ke kokaraajhaar kshetr mein suraksha balon par bheed ki or se kiye gaye patharaav mein ek policekarmi ki maut ho gayi. Isi raajya mein ek sthaan par do raajaneetik dalon ke samarthakon ke beech hui jhadap mein ek vyakti ki maut ho gayi jabki 14 anya ghaayal ho gaye. Rajasthan ke dausa mein graameenon aur police ke beech bhi takaraav ho gaya aur bheed ne sarkaari vaahan ko foonk diya. Yahaan sangharsh mein sanvaadakarmiyon ko bhi chotein I hain. sabse dheema matadaan Jammu evam Kashmir ke anantanaag mein hone ki soochana mili hai jahaan 13 lakh matadaataaon mein se ek chauthaai ne hi matadaan kiya. desh aarthik rajdhani kahi jaane waali Mumbai mein bhi matadaan ki raftaar dheemi rahi. Yahaan varishth neta, udyogapati, filmo ke abhineta-abhinetri aur aam aadmi ek hi kataar mein khade the. apna matadaan kar chuke abhineta John aabraaham ne tweet kiya hai, "Mainne apna vote daal liya. Isi tarah har bhaarateeya jo matadaan ke yogya hai usaki jimmevaari hai. " sabse tej raftaar se matadaan pashchim Bengal mein ho raha hai jahaan jhulasa dene waali garmi ki paravaah na karte hue 80 pratishat matadaataaon ne matadaan kiya. Tamil Nadu mein sabhi 39 seaton ke liye guruvaar ko matadaan karaae ja rahe hain. Yahaan abhineta Rajnikant aur kamal Hassan ke saath hi saath mukhyamantri jayalalita ne matadaan kiya. is charan mein Tamil Nadu ki 39, uttar pradesh ki 12, madhya pradesh ki 10, Maharashtra ki 19, Jharkhand ki chaar, Bihar aur Chhattisgarh ki saat-saat, pashchim Bengal aur asam ki chhah-chhah, Rajasthan ki paanch tatha Jammu Kashmir aur Puducherry ki ek-ek Loksabha seaton par matadaan karaaya gaya hai. uttar pradesh mein 188, Bihar mein 108, madhya pradesh mein 118 aur Tamil Nadu mein 55 mahilaaon sahit 845 pratyaashi maidaan mein hain. is daur ke pramukh ummeedavaaron mein pashchim Bengal mein raashtrapati Pranab mukharji ke putr abhijeet mukharji, Bihar mein bhaarateeya janta party (bhaajapa)se shaahanavaaj husain, Congress ke taareek Anwar, Rajasthan se poorv cricket khilaadi mohammad ajaharuddeen, Jharkhand mein donon poorv mukhyamantri Jharkhand mukti morcha (jhaamumo)ke shiboo soren aur Jharkhand vikaas morcha-prajaataantrik ke Babulal maraandi aur Tamil Nadu se A. Raaja, dayaanidhi maaran, ambumani das, vaayako, manishankar ayyar tatha ti. Aar. Baaloo hain.

Loksabha Chunaav Saatavein Charan Mein 11 Karod Ne Kiya Matadaan http://www.angrejinews.com/pic/48504