Loksabha Chunaav Mein Matadaan Naheen Kareinge Raashtrapati Pranab Mukharji

Breaking »

Loksabha Chunaav Mein Matadaan Naheen Kareinge Raashtrapati Pranab Mukharji

Nai Delhi: raashtrapati Pranab mukharji ne 'Raajaneetik ladaai mein apni tatasthata' dikhaane ke liye Loksabha chunaavon mein matadaan naheen karne ka faisala kiya hai. raashtrapati ne daak matapatr dvaara matadaan karne ki sabhi aupachaariktaaen poori kar li theen aur aisa karne vaale pehle raashtraadhyaksh banane ja rahe the, lekin unhonne apne poorvavartiyon ki parampara ka paalan karte hue apne mataadhikaar ka istemaal naheen karne ka faisala kiya. raashtrapati ke press sachiv venu raajamani ne shukravaar ko kaha, raajaneetik pratispardha mein apni tatasthata dikhaane ke liye raashtrapati ne apna vote naheen dene ka faisala kiya hai. Desh ke 14vein raashtrapati Pranab mukharji ne dakshin Kolkata Loksabha seat ke chunaav mein matadaan karne ke liye daak matapatr mangaaya tha. Is seat par 12 May ko chunaav hoga. raashtrapati dakshin Kolkata Loksabha kshetr ke 160 raasabihaari ilaake ke panjeekrut matadaata hain. Raajamani ne kaha ki yeh faisala parampara ko barkaraar rakhane ke liye liya gaya, kyonki unke (raashtrapati) adhiktar poorvavartiyon ne aisa hi kiya tha. dakshin Kolkata seat par Congress ki maala Roy, bhaajapa ummeedavaar evam party ke pradesh adhyaksh tathaagat Roy, Trinamool Congress ke nivartamaan saansad subrat bakshi aur maakapa ummeedavaar nandini mukharji ke beech bahukoneeya mukaabala hai.

Loksabha Chunaav Mein Matadaan Naheen Kareinge Raashtrapati Pranab Mukharji http://www.angrejinews.com/pic/50088