Loksabha Chunaav Madhya Pradesh Ke Chunaavi Samar Mein Utar Sakti Hain Congress-BJP Ke In Diggajon Ki Patniyaan

Breaking »

Loksabha Chunaav Madhya Pradesh Ke Chunaavi Samar Mein Utar Sakti Hain Congress-BJP Ke In Diggajon Ki Patniyaan

Bhopal Madhya pradesh mein bhaarateeya janta party (BJP) ki or se poorv mukhyamantri shivraaj Singh chauhaan ki patni saadhana Singh ke vidisha, Congress ke poorv mukhyamantri digvijya Singh ki patni amruta Singh ke raajagadh ya Indore aur Congress ke raashtreeya mahaasachiv jyotiraaditya sindhiya ki patni priydarshini raaje sindhiya ke guna se chunaav ladane ki charchaaen joron par hain. Daraasal, aagaami Loksabha chunaav mein bhaarateeya janta party (BJP) aur Congress madhya pradesh mein jyaada se jyaada seatein jeetne ki jugat mein hai. Iske liye donon dal un sabhi faurmyulon par kaam kar rahe hain, jo unhein jeet dila sakein. Yahi vajah hai ki raajya ke teen diggaj netaaon ki patniyon ke bhi chunaavi maidaan mein hunkaar bharne ke aasaar hain. Bata dein ki madhya pradesh mein dedh dashak baad Congress ki satta mein vaapasi hui hai, lihaaja uske liye aagaami Loksabha chunaav kaafi aham hai, vaheen doosari or BJP apni pakad ko kisi bhi sthiti mein kamjor naheen hone dena chaahati. In haalaaton mein donon dal raajya ke 29 Loksabha kshetron ke liye abhi se foonk-foonkakar kadam badha rahe hain. Iske saath hi har us chehare ka siyaasi aakalan jaari hai, jo chunaav ladakar jeet dilaane mein saksham ho. Padhein: Rahul Gandhi ka 'Mission UP' sunakar Akhilesh bole- gathabandhan mein Congress bhi saath Saadhana Singh ke chunaav ladne ki charcha joron par Vidisha se keindreeya mantri aur vartamaan saansad Sushma Swaraj ki or se chunaav ladane se inkaar kiye jaane ke baad se is sansadeeya kshetr se shivraaj athva unki patni saadhana Singh ke chunaav ladane ki charcha joron par hai. Party sootron ka kehna hai, 'Yeh shivraaj ka prabhaavavaala kshetr hai lihaaja party shivraaj ko yahaan se chunaav ladaakar unhein ek kshetr tak seemit naheen karna chaahegi, unka raajya aur baahar upayog kiya jaaega. Is sthiti mein unki patni ko party chunaav maidaan mein utaar sakti hai. ' Social media par chalaaya ja raha hai abhiyaan Saadhana Singh lambe arase se shivraaj ke saath raajaneetik kaaryakramon mein hissedaari ke saath budhani vidhaanasabha ki chunaav prachaar abhiyaan ki kamaan sanbhaal chuki hain. Unhein sangathan ka bhi anubhav hai. Pichhle kuchh arase se social media par saadhana Singh ke samarthan mein abhiyaan chalaaya ja raha hai aur unhein vidisha se ummeedavaar banaae jaane ki maang ki ja rahi hai. Social media par lagaataar daava kiya ja raha hai ki saadhana Singh ko vidisha se ummeedavaar banaae jaane par party ki jeet sunishchit hai, saath hi unhein sashakt ummeedavaar bhi bataaya ja raha hai. Kai kaaryakartaaon dvaara bheja ja chuka hai prastaav Udhar guna sansadeeya kshetr se jyotiraaditya sindhiya ki patni priydarshini raaje sindhiya ke bhi chunaav ladane ki sambhaavnaaen ban rahi hain. Priydarshini ko guna se chunaav ladaane ka Congress kaaryakarta prastaav bhi bhej chuke hain. Iske alaava priydarshini ki 18 February se guna sansadeeya kshetr mein sakriyta badh rahi hai. Vah yahaan 24 February tak rahakar mahila sammelanon mein hissa leingi. Padhein: Congress ka road sho: Rahul Gandhi bole- UP mein frantafut par kheleinge, baikafut par naheen 'Sindhiya parivaar tay karega priydarshini chunaav ladein ya naheen' Jyotiraaditya sindhiya ke prachaar abhiyaan mein aham jimmedaari nibhaane vaale maneesh rajput ka kehna hai, 'Priydarshini raaje ke chunaav ladane ka faisala to sindhiya parivaar hi karega, haan itna jaroor hai ki guna sansadeeya kshetr se to chunaav vahi jeetega jise sindhiya raajagharaane ka samarthan haasil hoga. Iski vajah hai, sindhiya parivaar ke sadasyon ne yahaan ke logon ko apne parivaar ka sadasya maana hai aur unki behatari ke liye vah sab kiya jo karna sambhav tha. Lihaaja kshetreeya logon aur sindhiya parivaar ka rishta paarivaarik hai. ' Narmada yaatra ke dauraan saath theen amruta Singh Poorv mukhyamantri digvijya Singh ki patni amruta Singh ke raajagadh se chunaav ladane ki charchaaen garam hain. Raajagadh digvijya Singh ke prabhaav ka kshetr hai, vidhaanasabha chunaav mein Congress ne is sansadeeya kshetr ki paanch vidhaanasabha seatein jeeti hain, lihaaja Congress ke liye Loksabha chunaav mein surakshit seat maani ja rahi hai. Singh swayam Rajyasabha ke sadasya hain aur chunaav ladane ka faisala party par chhod chuke hain. Singh ne beete saal (2018) narmada yaatra ki thi, us dauraan amruta Singh poore samay unke saath raheen, saath hi tamaam aayojanon mein unki maujoodagi ko lekar kayaason ka baajaar garam hai ki amruta Singh chunaav lad sakti hain. Digvijya Singh ke samarthan se tay hoga ummeedavaar? Poorv mukhyamantri Singh ke kareebi sootron ka kehna hai ki raajagadh sansadeeya kshetr poori tarah Congress ke liye surakshit hai, lihaaja party aalaakamaan ke nirdesh ke baad hi aage ki rananeeti tay ki jaaegi, lekin itna to tay hai ki ummeedavaar vahi hoga jise digvijya Singh ka samarthan hoga. Is sansadeeya kshetr ke raaghaugadh vidhaanasabha se Singh ke putr jayavardhan Singh, khilcheepur se bhateeje priyvrat Singh aur chaachauda se chhote bhaai Lakshman Singh vidhaayak hain. 'Kamalnath ko bhi chunaav ladaaya jaae to hairat jaisa kuchh naheen'Varishth raajaneetik vishleshak girija shankar ka kehna hai, 'Raajya mein bhale hi Congress ki sarkaar ban gayi ho magar hakeekat yeh hai ki donon Congress aur BJP jeetate-jeetate rah gaye hain, lihaaja aagaami Loksabha chunaav mein koi jokhim naheen uthaana chaahata aur jeetne vaale par daav lagaaenge. Isi vajah se netaaon ki patniyon ko chunaav ladaane ki baat ho rahi hai. Congress agar mukhyamantri Kamalnath ko bhi Loksabha chunaav ladaae to aashcharya naheen hona chaahiye. ' Loksabha seaton ke antar ko kam karna chaahati hai Congress Raajya mein abhi haal hi mein hue vidhaanasabha chunaav mein Congress ko poorn bahumat naheen mila hai, usane BSP, SP aur nirdaleeya vidhaayakon ke sahayog se sarkaar banaai hai. Raajya ki 230 vidhaanasabha seaton mein Congress ko 114, BJP ko 109 seatein mili hai. Vaheen, BSP ummeedavaar do, SP ek aur nirdaleeya chaar seaton par jeete hain. Haalaanki, BJP ka vote pratishat Congress se jyaada hai. Loksabha ki 29 seaton mein se BJP ke paas 26 aur Congress ke paas teen seatein hain. Ab Congress Loksabha seaton ke faasale ko kuchh kam karna chaahati hai. Shivraaj Singh chauhaan ka tanj, kaha-bahut bade 'Gappoo' hain Rahul gaandheeX.

Loksabha Chunaav Madhya Pradesh Ke Chunaavi Samar Mein Utar Sakti Hain Congress-BJP Ke In Diggajon Ki Patniyaan http://www.angrejinews.com/pic/254134