Loksabha Chunaav Maadhuri Dixit Ko Pune Seat Se Utaar Sakti Hai BJP

Breaking »

Loksabha Chunaav Maadhuri Dixit Ko Pune Seat Se Utaar Sakti Hai BJP

Munbaibeejepi apne jamaane ki mashahoor abhinetri maadhuri Dixit nene ko 2019 ke Loksabha chunaav mein Pune seat se maidaan mein utaarane par vichaar kar rahi hai. Yeh jaankaari party sootron ne di. BJP adhyaksh amit shaah ne is saal June mein adaakaara se Mumbai sthit unke aavaas par mulaakaat ki thi. Shaah us samay party ke 'Sampark for samarthan' abhiyaan ke tahat Mumbai pahunche the. Shaah ne is dauraan abhinetri ko Narendra Modi sarkaar ki upalabdhiyon se avagat karaaya tha. Raajya ke ek varishth BJP neta ne guruvaar ko bataaya ki maadhuri ka naam Pune Loksabha seat ke liye chuna gaya hai. Unhonne kaha, 'Party 2019 ke aam chunaav mein maadhuri Dixit ko ummeedavaar banaane par gambheerta se vichaar kar rahi hai. Hamaara maanana hai ki Pune Loksabha seat unke liye behtar hogi. ' BJP neta ne kaha, 'Party kai Loksabha seaton ke liye ummeedavaaron ke naam tay karne ki prakriya mein hai aur Dixit ka naam Pune Loksabha nirvaachan kshetr ke liye chuna gaya hai. Iske liye unke naam par gambheerta se vichaar kiya ja raha hai. ' 51 varsheeya adaakaara maadhuri ne 'Tejaab', 'Ham aapke hain kaun', 'Dil to paagal hai', 'Saajan' aur 'Devadaas' jaisi anek bollywood filmon mein kaam kiya hai. Saal 2014 mein BJP ne Pune Loksabha seat Congress se chheen li thi aur party ummeedavaar anil shirole ne teen lakh se adhik maton ke antar se jeet darj ki thi. 'Nae chehare utaarane ka BJP ko hamesha mila hai faayda'Maadhuri ko chunaav ladaane ki yojana ke baare mein BJP ke ek varishth padaadhikaari ne kaha, 'Is tarah ke tareeke Narendra Modi ne Gujarat mein tab apanaae the jab vah pehli baar mukhyamantri bane the. Unhonne sthaaneeya nikaaya chunaavon mein sabhi ummeedavaaron ko badal diya aur party ko us faisale ka laabh mila. Nae chehare laae jaane se kisi ke paas aalochna ke liye kuchh naheen tha. Isse vipaksh aashcharyachakit rah gaya aur BJP ne adhik se adhik seat jeetkar satta kaayam rakhi. ' Neta ke anusaar, isi tarah ka safal prayog 2017 mein Delhi ke nikaaya chunaavon mein bhi kiya gaya jab sabhi maujooda paarshadon ko ticket dene se inkaar kar diya gaya. BJP ne jeet haasil ki aur niyantran barkaraar rakha.

Loksabha Chunaav Maadhuri Dixit Ko Pune Seat Se Utaar Sakti Hai BJP http://www.angrejinews.com/pic/239566