Loksabha Chunaav Ke Liye Aakhirkaar Khatm Hua Chunaav Prachaar

Breaking »

Loksabha Chunaav Ke Liye Aakhirkaar Khatm Hua Chunaav Prachaar

Nai Delhi: desh ki 16veen Loksabha ke liye paanch saptaah se adhik samay tak nau charanon mein ho rahe chunaav ke liye prachaar abhiyaan aaj samaapt ho gaya aur 12 May ko aakhiri charan mein 41 seaton par matadaan ke liye anek netaaon ne shakti pradarshan kiya. aakhiri charan mein sabse aham maani ja rahi Varanasi seat ke liye bhi matadaan hona hai, jahaan bhaajapa ke pradhaanamantri pad ke ummeedavaar Narendra Modi aur aam aadmi party ke ummeedavaar Arvind Kejriwal maidaan mein hain. chunaav prachaar ke dauraan sabhi raajaneetik dalon ke netaaon ki or se aarop-pratyaarop ka daur chalta raha aur kai jagahon par aapattijanak bhaasha ka bhi istemaal dekhne ko mila. nauvein charan ke liye aaj shaam 6 baje prachaar ka samaapan hua. Is charan mein uttar pradesh ki 18, pashchim Bengal ki 17 aur Bihar ki chhah seaton ke liye somvaar ko matadaan hoga. duniya ke sabse bade lokatantr ki is badi kavaayad ka parinaam 16 May ko mataganana ke baad saamane aaega. Chunaav mein badi sankhya mein matadaataaon ne apne mataadhikaar ka istemaal kiya. Chunaav poorv sarvekshanon mein bhaajapa ko sabse badi party ke taur par ubharata hua pesh kiya ja raha hai, jiske pradhaanamantri pad ke ummeedavaar Narendra Modi hain.

Loksabha Chunaav Ke Liye Aakhirkaar Khatm Hua Chunaav Prachaar http://www.angrejinews.com/pic/50193