Loksabha Chunaav Ke Liye Aakhiri Daur Ka Matadaan, Modi, Mulaayam, Kejriwal Maidaan Mein

Breaking »

Loksabha Chunaav Ke Liye Aakhiri Daur Ka Matadaan, Modi, Mulaayam, Kejriwal Maidaan Mein

Nai Delhi: 7 April se shuroo hua matadaan ka daur aaj khatm hone ja raha hai. Antim charan mein Loksabha ki 41 seaton par matadaan jaari hai, jinmein UP ki 18 pashchim Bengal ki 17 aur Bihar ki chhah seatein shaamil hain. Aaj ke matadaan ke liye chunaav aayog ne suraksha ke kade intajaam kiye hain. Matadaan shaam 5 baje tak chalega aur kai diggajon ki kismat aaj iveeem mein band ho jaaegi. Surakshit chunaav ke liye aayog ki or se pukhta intajaam kiye gaye hain. is daur ke chunaav mein sabki najar Varanasi par hai, jahaan se BJP ke PM pad ke ummeedavaar Narendra Modi aur Arvind Kejriwal aur chunaav maidaan mein hain aur Congress ne is seat se sthaaneeya ummeedavaar Ajay rai ko tikt diya hai. Sabhi ki yeh khvaahish hai ki kaashi ki ganga mein jo dubaki lage to seedhe yamuna kinaare Delhi mein hi ubare aur satta par kaabij hon. iske alaava poorvaanchal ki hi aazamagadh ki seat bhi kaafi haaiprofaail ho gayi hai, kyonki yahaan se sapa pramukh mulaayam Singh Yadav chunaav maidaan mein hain. BJP ne unke mukaabale ramaakaant Yadav ko utaara hai. iske alaava UP ke dumariyaaganj se jagadanbika paal BJP ke ummeedavaar hain, jo Congress chhodakar BJP mein aae hain. Vaheen kusheenagar se Congress ne keindreeya mantri aarapeeen Singh fir se isi seat se apni kismat aajama rahe hain. Bihar mein aarajedi neta raghuvansh prasaad vaishaali se aur keindreeya mantri adheer ranjan chaudhari pashchim Bengal ke beharaamapur se chunaav mein khade hain. Vaheen pashchim Bengal ki baaraasaat seat par BJP ne jaadoogar PC sarkaar junior ko tikt diya hai. duniya ke sabse bade lokatantr ki is badi kavaayad ka parinaam 16 May ko sabhi 543 seaton ki mataganana ke baad saamane aaega. Chunaav ke pehle charan mein 7 April ko matadaan hua tha aur tab se lekar aath charanon mein 502 Loksabha seaton ke liye 66.27 pratishat matadaan darj kiya gaya hai. Is baar matadaan ke aakade ne sabse adhik matadaan ke 1984 ke pichhle record ko peechhe chhod diya hai. 2009 mein pichhle Loksabha chunaav mein lagbhag 58 pratishat matadaan hua tha.

Loksabha Chunaav Ke Liye Aakhiri Daur Ka Matadaan, Modi, Mulaayam, Kejriwal Maidaan Mein http://www.angrejinews.com/pic/50292