Loksabha Chunaav Ke Liye 117 Seaton Par Matadaan Samaapt, Kai Bade Naam Maidaan Mein

India »

Loksabha Chunaav Ke Liye 117 Seaton Par Matadaan Samaapt, Kai Bade Naam Maidaan Mein

Nai Delhi: Loksabha chunaav 2014 ke chhathe charan ke liye matadaan shaam ko chhah baje samaapt ho gaya. 11 raajyon aur ek kendra shaasit pradesh pudducheri mein log apne mataadhikaar ka prayog kiya. Is daur mein 117 seaton par matadaan hua. aaj Maharashtra ki 19 Loksabha seatein, Tamil Nadu ki sabhi 39 seatein, uttar pradesh ki 12, madhya pradesh ki 10, Bihar ki saat, Jharkhand ki chaar, pashchim Bengal ki chhah, Rajasthan ki paanch, asam ki chhah, Jammu-Kashmir ki ek aur puddacheri ki ek seat matadaan hua. 10 charan mein ho rahe Loksabha chunaav ka yeh chhatha charan hai aur is charan mein 18 karod se jyaada matadaataaon ne apne mataadhikaar ka istemaal kiya hoga. Is daur mein kul 2076 ummeedavaar chunaavi maidaan mein hain. Uttar pradesh ki 12 seaton par matadaan hua hai. Kul 188 ummeedavaaron ke beech kareeb 2 karod 3 lakh matadaataaon ne apne mataadhikaar ka prayog kiya hoga. Aaj ki voting ke liye chunaav aayog ne 4757 matadaan keindron ko atisanvedanasheel ghoshit kar diya hai, jis kaaran suraksha vyavastha behad kadi ki gayi. UP mein aaj haatharas, Mathura, Agra, fatehapur seekari, firozaabaad, mainapuri, eta, haradoi, farrookhaabaad, itaava, kannauj aur akabarapur mein voting hui. Aaj jin aham ummeedavaaron ki kismat ka faisala hua hai unamein mainapuri se mulaayam Singh Yadav, kannauj se dinpal Yadav, fatehapur seekari se amar Singh, Mathura se Hema maalini shaamil hain. vaheen Maharashtra ke liye aaj ka matadaan khaasa aham hai, kyonki aaj Mumbai ki chhah Loksabha seaton ke saath kul 19 seaton par vote daale gaye. Mumbai ke saath Vidarbh aur uttari Maharashtra ki kai seaton par bhi aaj vote daale gaye. Maharashtra mein mukhya mukaabala Congress, enaseepi aur BJP shivsena ke beech hai. Vaheen raaj Thackeray ki party MNS aur aam aadmi party bhi maidaan mein hai. Dekhna hoga ki in badi paartiyon ke saamane ye donon paartiyaan kaisa pradarshan kar paati hain. udhar, madhya pradesh ki das Loksabha seaton par bhi matadaan hua. Subah 7 baje se vidisha, devaas, ujjain, mandasaur, dhaar, ratalaam, Indore, kharagaun, khandava aur baitool mein vote daale gaye. Aaj kareeb 1 karod 6 lakh matadaataaon ne apne mataadhikaar ka istemaal yahaan kiya hoga. Matadaan ke liye 19 446 poling booth banaae gaye aur 118 ummeedavaar maidaan mein hain. Sabse dilchasp mukaabala vidisha seat par hai, jahaan BJP ki varishth neta Sushma Swaraj maidaan mein hain aur unka saamana kar rahe hain Congress ke neta digvijya Singh ke bhaai Lakshman Singh. Tamil Nadu mein aaj sabhi 39 seaton par voting hui. Shaantipoorn matadaan ke liye suraksha balon ke ded lakh javaanon ki tainaati ki gayi. Tamil Nadu mein matadaan ke liye 60 818 poling booth banaae gaye aur 34 hajaar police ke javaan bhi tainaat kiye gaye. Tamil Nadu ka chunaav is baar behad dilchasp raha, kyonki BJP ne is baar yahaan chhah paartiyon ke saath gathabandhan kiya hai. Ab dekhna hoga ki is gathabandhan ki madad se BJP DMK aur jayalalita ki party annaadramuk ka kila bhed paaegi ya naheen. Bihar mein bhi Loksabha ki saat seaton par matadaan hua. Aaj jin seaton par vote daale gaye, unke naam hain, supaul, arariya, kishnaganj, poorniya, katihaar, Bhaagalpur aur baanka. Kareeb 1 karod 8 lakh voteron ne in seaton par apne mataadhikaar ka istemaal kiya hoga. Chunaav ko dekhte hue bhaarat−nepaal seema ko seal kar diya gaya aur suraksha ke liye arddhasainik balon ki 143 companiyaan tainaat ki gayi. Saath hi Bihar military fors ki 74 companiyaan aur kareeb 20 hazaar police ke javaan bhi suraksha ke liye tainaat kiye gaye. Baanka jaise naksal prabhaavit ilaakon mein helicopter se bhi nigraani rakhi gayi. Bihar ke saath Jharkhand ki bhi chaar Loksabha seaton par aaj voting hui. Raajamahal, dumaka, godda aur dhanabaad Loksabha seat par vote daale gaye. Kareeb 61 lakh voteron ne aaj 72 ummeedavaaron ki kismat ka faisala kiya. Khaas baat yeh hai ki aaj teen lakh se jyaada yuva voteron ne bhi Jharkhand mein vote daale. Voting ke liye 7489 matadaan kendra banaae gaye aur suraksha ke liye 38 hajaar javaan tainaat kiye gaye. Yahaan sabse dilchasp mukaabala dumaka seat par hai. Is seat par jahaan ek or poorv mukhyamantri shiboo soren maidaan mein hain, vaheen Jharkhand vikaas morcha ke babu laal maraandi unase mukaabale ke liye utare hain aur BJP se in donon ko takkar de rahe hain suneel soren. Pashchim Bengal ki bhi chhah seaton par aaj voting hui. Raayaganj, baalooraghaat, maalada, uttar maalada, dakshin jangeepur aur mursheedaabaad mein voting hui. Yahaan hui voting ke liye chunaav aayog ne khaas intajaam kiye . Chunaav aayog ne yahaan ke 189 samvedansheel poling booth par Internet se nigraani rakhane ka faisala kiya. Saath hi yahaan ke chhah TV channelon ki bhi nigraani chunaav aayog ne ki, jisse kisi bhi kism ki apriya ghatna hone par ilaake ke DM ko soochit kar jald kaarravaai ki jaae. Asam ki chhah Loksabha seaton par chunaav hua. Yahaan se kul 74 ummeedavaar maidaan mein hain aur inmein se nau mahila ummeedavaar hain. Pudducheri ki ek Loksabha seat par voting hui. Yahaan se kul 30 ummeedavaar lad rahe hain aur teen mahila ummeedavaar hain. Rajasthan ki paanch Loksabha seaton par matadaan hua. Yahaan se kul 81 ummeedavaar maidaan mein hain, jinmein se nau mahila ummeedavaar hain. Chhatteesagad ki saat Loksabha seaton par matadaan hua. Yahaan se kul 153 ummeedavaar lad rahe hain, jinmein se 10 mahila ummeedavaar hain.

Loksabha Chunaav Ke Liye 117 Seaton Par Matadaan Samaapt, Kai Bade Naam Maidaan Mein http://www.angrejinews.com/pic/48474