Lokpal Vidheyak Mein Apne Sujhaav Sveekaar Naheen Hone Se Bhaajapa Naaraaj

Breaking »

Lokpal Vidheyak Mein Apne Sujhaav Sveekaar Naheen Hone Se Bhaajapa Naaraaj

Nai Delhi: Bhaajapa ne is baat par naaraajagi jataai ki cabinet ki or se guruvaar ko manjoor kiye gaye Lokpal vidheyak mein usaki or se diye gaye sujhaavon ko shaamil naheen kiya gaya hai. Party ke pravakta ravishankar prasaad ne kaha ki CBI ko svatantr nikaaya banaae jaane ke bhaajapa ke sujhaav ko sveekaar kiya jaana chaahiye tha. Unhonne bataaya ki Lokpal ko prabhaavi banaane ke liye bhaajapa ne sujhaav diya tha ki CBI ko svatantr nikaaya banaaya jaae aur uske nideshak ka kaaryakaal surakshit hone ke saath hi retire hone ke baad usaki anya jagah niyukti naheen ho. Bhaajapa pravakta ne kaha ki CBI nideshak ko nishpaksh hokar kaam karne dene ke liye jaroori hai ki na uske kaaryakaal par talavaar lataki ho aur na hi use retire hone ke baad kaheen aur niyukti ho sakane ka laalach ho. Unhonne savaal kiya ki sarkaar ne pravar samiti ke is sujhaav ko kyon naheen maana ki Lokpal ke maamalon ki jaanch kar rahe CBI adhikaari ka sthaanaantaran Lokpal ki manjoori se hi kiya ja sakega. Unhonne kaha ki Lokpal ki niyukti paaradarshi hone ke liye use sarkaar ke niyantran se baahar hona chaahiye. Prasaad ne kaha ki sarkaar ne is sujhaav ko naheen maan kar spasht kar diya hai ki vah CBI ko svaayatt ikaai banaane ke prati gambhir naheen hai. Unhonne kaha ki Lokpal ko prabhaavi banaane ke liye bhaajapa aur pravar samiti dvaara diye gaye kai achhe sujhaavon ko naheen maan kar sarkaar ne apne iraade saaf kar diye hain ki vah bhrashtaachaar se nipatne ke prati gambhir naheen hai.

Lokpal Vidheyak Mein Apne Sujhaav Sveekaar Naheen Hone Se Bhaajapa Naaraaj http://www.angrejinews.com/pic/718