Logon, Agencyon, Vitteeya Sansthaanon, Bankon Ko. . . Sabko Thaga Hai Is Mr And Mrs Ne

Breaking »

Logon, Agencyon, Vitteeya Sansthaanon, Bankon Ko. . . Sabko Thaga Hai Is Mr And Mrs Ne

Vishesh samvaadadaata, nai Delhi Delhi samet desh ke kai raajyon ke logon ko karodon ka choona lagaakar faraar hue pati-patni ko south Delhi police ne giraftaar kar liya hai. Unki pehchaan vinod bansal (57) aur unki patni preeti bansal (56) ke roop mein hui. Donon Gurgaon ke rahane vaale hain, magar in dinon police va anya agencyon ki najaron se bachane ke liye Ghaziabad mein rah rahe the. In donon ko adaalaton ne cheeting ke ek darjan se jyaada maamalon mein bhagauda ghoshit kar rakha tha. Inhonne logon ko 30 karod se jyaada ka choona laga rakha tha. Bankon ke alaava kain vitteeya sansthaanon aur agencyon se bhi loan le rakha tha, lekin use chukaaya naheen. Saath hi kuchh private niveshakon se bhi inhonne 8-10 karod rupaye apne praujekts mein nivesh karva rakhe the. DCP (south) vijay Kumar ke mutaabik, Kotla mubaarakapur thaane ki police ko pata chala tha ki CBI ke dvaara darj kiye gaye bhrashtaachaar, aaparaadhik shadyantr aur farjeevaade ke ek maamale mein vinod aur preeti ko bhagauda ghoshit kiya gaya hai aur CBI unhein talaash rahi hai. South Delhi ki police bhi in donon ka pata lagaane mein jut gayi. Police team ne takaneeki sarvilaans aur mukhabiron ke jariye soochanaaen jutaain aur ravivaar ko in donon aaropiyon ko soorya vihaar ilaake se giraftaar kar liya. Chhaanabeen mein inke khilaaf darj 20 maamalon ka pata chala, jinmein se 13 maamalon mein adaalaton ne inhein bhagauda ghoshit kiya hua tha. Delhi ke alaava Punjab, Haryana va anya raajyon ke logon ko bhi inhonne karodon ka choona laga rakha tha. Poochh-taachh mein pata chala ki Punjab mein janme vinod bansal Punjab university se graijuet hain, jabki Ghaziabad ki rahane waali unki patni bhi chaudhari charan Singh university se post graijuet hain. Vinod 1983 mein kaam ki talaash mein Delhi aae aur Faridabad mein prauparti deeling ka kaam karne lage. 2006 mein CBI ne use ek group housing skaim mein giraftaar kiya tha. Jail se chhootane ke baad usane ludhiyaana mein ek school khola aur kain logon ko usamein paisa lagaane ke liye lalachaaya, lekin jab logon ne apna paisa laga diya, to vah unhein choona lagaakar faraar ho gaya. Uske baad Delhi aakar usane green park mein prauparti khareedi aur use bank ko girvi rakhakar paisa le liya. Uske baad bank ko bataae bina usi prauparti ke alag-alag flor kuchh logon ko bechakar unase bhi paisa ainth liya. Usane Lord buddha society ke naam par kain vitteeya sansthaanon se bhi loan liya, magar use lautaaya naheen. 2016 mein bhi use aur usaki patni ko giraftaar kiya gaya tha, lekin usane antarim jamaanat le li aur uske baad bail janp karke fir faraar ho gaya. Police ab in sabhi maamalon mein usase poochh-taachh kar rahi hai.

Logon, Agencyon, Vitteeya Sansthaanon, Bankon Ko. . . Sabko Thaga Hai Is Mr And Mrs Ne http://www.angrejinews.com/pic/253964