Liv-in Sambandhon Se Janm Lene Waali Santaan Avaidh Naheen Supreme Court

Breaking »

Liv-in Sambandhon Se Janm Lene Waali Santaan Avaidh Naheen  Supreme Court

Nai Delhi: uchchatam nyaayaalaya ne spasht kiya hai ki aise sahajeevan (liv-in rileshanaship) se, jahaan purush aur stri lambe samay tak pati-patni ke roop mein saath rahein hon, janm lene waali santaan ko avaidh naheen kaha ja sakta hai. nyaayamoorti BS chauhaan aur nyaayamoorti J chelaameshvar ki khandapeeth ne Madras uchch nyaayaalaya ke faisale ke khilaaf ek vakeel ki yaachika par yeh spashteekaran diya. Uchch nyaayaalaya ke nirnaya mein sahajeevan ke baare mein kuchh tippaniyaan ki gayi theen. vakeel udaya gupta ne is yaachika mein kaha tha ki uchch nyaayaalaya ki yeh tippani kaanooni roop se uchit naheen hai ki ek vaidh vivaah ka yeh matlab jaroori nahi hai ki vivaahit danpati ko sabhi paaramparik sanskaaron ka paalan karna hoga aur fir vidhipoorvak sanpaadit karna hoga. sheersh adaalat ne yaachika ka nibtaara karte hue kaha ki vah is maamale mein aur vichaar karna aavashyak naheen samajhti hai. nyaayaadheeshon ne kaha, 'Hamaara mat hai ki ye tippaniyaan pesh maamale ke tathyon par ki gayi hain. Vaastav mein, nyaayaadheesh kehna chaahate the ki yadi puroosh aur stri lambe samay tak ek saath pati patni ke roop mein rahate hain, bhale hi kabhi shaadi naheen ki ho, to ise vivaah hi maana jaaega aur unke paida hone waali santaan avaidh naheen kahi ja sakti hai. ' nyaayaalaya ne 2010 ke madan mohan Singh banaam Rajnikant prakaran ka jikr karte hue kaha ki isi drushtikon ko kai faisalon mein doharaaya gaya hai.

Liv-in Sambandhon Se Janm Lene Waali Santaan Avaidh Naheen Supreme Court http://www.angrejinews.com/pic/48551