Lautari Vijeta Bhaarateeya-ameriki Ki Vidhva Ne Nyaaya Maanga

World »

Lautari Vijeta Bhaarateeya-ameriki Ki Vidhva Ne Nyaaya Maanga

Chicago: Cynide vishaaktata se mare das lakh dollar ke lautari vijeta bhaarateeya-ameriki udyogapati ki patni ne apne pati ki rahasyamaya maut ke peechhe ka sach jaldi saamane laane ki maang ki hai. Doosari or adhikaari unke shav ko kabr se baahar laane ki taiyaari kar rahe hain. 46 varsheeya udyogapati urooj Khan ki patni shabaana Ansari ne kaha, ''Main chaahati hoon ki jaanch mein sachchaai saamane aae, jitni jaldi aae utana behtar hoga. '' unhonne kaha, ''Vah kaun hai jo unhein nuksaan pahuncha sakta hai? Yeh bahut hi takaleef bhara vakt hai. '' shabaana ne kaha, ''Jis din hamein check mila ham bahut jyaada khush the. Us din main bahut chain ki neend soyi thi aur agale din sabkuchh tabaah ho gaya. '' Khan ki doosari patni 32 varsheeya shabaana ne 'Chicago san-times' ko bataaya ki 20 July ki raat mainne unke liye khaana banaaya tha, naheen jaanti thi ki yeh antim baar hai. Us din ghar mein aayojit paaramparik raatri bhoj mein Khan, shabaana, Khan aur unki pehli patni ki 17 varsheeya beti Jasmin aur shabaana ke pita sahit parivaar ke anya sadasya shaamil hue the. Shabaana ne akhbaar ko bataaya ki Khan ne kaha ki unki tabeeyat theek naheen hai aur ve jaldi sone chale gaye. Vah kursi par hi so gaye the. Jab uthe to unhein bahut kasht tha aur raat mein hi unki maut ho gayi. Usane 911 ko phone kiya. Apne ghar ke paas sthit 7-eleven store se 10 lakh dollar ki lautari jeetne ke kuchh hi sptaah baad July mein achaanak Khan ki maut ho gayi. Ve shahar ke uttari bhaag mein dry-cleaning ka vyapaar karte the. Shareer par koi nishaan aur rakt mein koi baahari tatv naheen milne ke baad chikitsa adhikaari ne Khan ki maut ko praakrutik maut karaar diya. Iske baad bina autopsy ke unka shav dafna diya gaya. Ghatna ke kareeb ek saptaah baad rishtedaaron ne adhikaariyon se Khan ki maut ki gaharaai se jaanch karne ko kaha. Vibhinn jaanch ke baad December ki shuruaat mein pata chala ki Khan ki maut bhaari maatra mein cynide ki vishaaktata ke kaaran hui hai. Iske baad police ne maamale ko hatya maankar usaki jaanch shuroo ki hai. Shabaana ne ABC news se kaha, ''Lautari jeetna unka bhaagya tha. Vah pehle hi kadi mehnat karke laakhapati ban gaye the. '' unhonne kaha, ''Main jaanch mein sahayog kar rahi hoon aur chaahati hoon ki sach jaldi saamane aae. '' is beech cook County ke chikitsa pareekshak stifen sina ka kehna hai ki agale do saptaah mein Khan ka shav kabr se nikaal liya jaaega. Sina ne kaha ki Khan ki maut ki jaanch poori karne ke liye shav ko kabr se nikaalna jaroori hai. Mujhe lagta hai ki autopsy karaana jaroori hai.

Lautari Vijeta Bhaarateeya-ameriki Ki Vidhva Ne Nyaaya Maanga http://www.angrejinews.com/pic/340