Laatehaar Mein Naksaliyon Ne Javaan Ke Shav Mein Plant Kiya Bam

India »

Laatehaar Mein Naksaliyon Ne Javaan Ke Shav Mein Plant Kiya Bam

Ranchi: Jharkhand ke laatehaar mein naksaliyon ke saath muthabhed mein shaheed CRPF javaanon ke chaar shav jab postmortem ke liye Ranchi le jaae gaye, to Doctor yeh dekhkar chaunk gaye ki unamein se ek javaan ke pet ko cheerakar naksaliyon ne usamein bam rakh diya tha. Iske baad turant bam nirodhak daste ko bulaaya gaya, taaki bam ko naakaam kiya ja sake. Kaafi mashakkat ke baad bam nirodhak daste ne bam ko naakaam kar diya. Gaurtalab hai ki Ranchi se lagbhag sau kilometer door laatehaar ke jangalon mein amuaateekar gaanv mein somvaar ki raat suraksha balon ke saath muthabhed mein maaovaadiyon ne ghaat lagaakar kiye gaye hamle mein CRPF ke nau javaanon samet kul 10 surakshaakarmiyon ko maut ke ghaat utaar diya aur 14 anya surakshaakarmiyon ko ghaayal kar diya. Police adheekshak kraanti Kumar ne bataaya ki maaovaadiyon ne somvaar ki bichhaai gayi baaroodi surangon ke jaal mein fanse ghaayal surakshaakarmiyon ko badi berahmi se maara aur kuchh surakshaakarmiyon ke shareer par marne se pehle hi unhonne IED baandh diya. Unhonne bataaya ki iske alaava naksaliyon ne palaamoo ke rahane vaale CRPF ke javaan baijanaath kiskoo ke shav par IED lagaakar uske cheethade uda diye. Unhonne bataaya ki Allahabad ke rahane vaale CRPF ki 112veen battalion ke javaan Babulal Patel ka pet cheerakar uske bheetar IED thoons diya aur fir se usaka pet sil diya. Kraanti Kumar ne bataaya ki is javaan ka shav jab Ranchi ke Rajendra aayurvigyaan sansthaan (rims) mein anya shaheed javaanon ke saath postmortem ke liye le jaaya gaya, to doctoron ne unka pet cheera, to usamein se IED nikla. Yeh dekhkar aspataal mein afraatafri mach gayi. (input bhaasha se bhi)

Laatehaar Mein Naksaliyon Ne Javaan Ke Shav Mein Plant Kiya Bam http://www.angrejinews.com/pic/320