Laapata Jatin-lalit Ki Bahan Sandhya Singh Ki Laash Mili

India »

Laapata Jatin-lalit Ki Bahan Sandhya Singh Ki Laash Mili

Mumbai: Sangeetakaar jatin−lalit ki bahan sandhya Singh ki laapata hone ki gutthi sulajhane ki bajaae ulajhati hi ja rahi hai. Navi Mumbai ke DBS school ke paas jhaadiyon mein police ko ek shav mila hai. Police ko shak hai ki shav jatin pandit ki bahan sandhya Singh ka hai. Navi Mumbai mein DBS school ke paas jhaadiyon mein mile is kankaal ne police ko bhi hairaan kar diya hai. Shak hai ki yeh kankaal sandhya Singh ka hai. Sandhya Singh 13 December ko ghar se baahar nikli thi, lekin vaapas naheen I. Shav ke paas se mile kapadon, baal raksha dhaaga aur daant ki banaavat se ghar vaalon ka daava hai ki yeh shav sandhya Singh ka hi hai. Sandhya ke bhaai lalit pandit ne kaha ki humne aur bhaai ne pehchaan ki hai vah sandhya hi hai. Sandhya ke ghar vaalon ke mutaabik unhein pehle se hi shak tha ki sandhya ke saath kuchh anhoni hui hai, lekin police ne gambheerta se naheen liya aur kehti rahi ki sandhya khud hi kaheen chali gayi hogi. Sandhya ke pati jaya prakaash Singh jo ki custom aur excise commissioner hain, police ke ravaiye ko lekar aahat hain. Police haalaanki abhi maamale mein kisi nateeje par naheen pahunchi hai. Shav poori tarah se gal chuka hai. Sirf haddiyon ka dhaancha rah gaya hai. Isliye usaki pehchaan ke liye police ne DNA test karaane ka faisala kiya hai. Police ka kehna hai ki jaanch chal rahi hai aur vah aaropi ko pakad leinge. Savaal hai agar yeh shav sandhya ka hai to kya ye hatya loot ke maksad se ki gayi. Kyonki sandhya us din apne ghar se kareeb 20 lakh rupaye ke gahane lekar bank ke liye nikli thi. Lekin bank ke andar naheen gayi jabki vah us din bank ke paas dekhi gayi thi. Pratyakshadarshiyon ka kehna hai ki sandhya ka shav bhi jis tarah se tukadon me mila hai usase yeh lag raha hai ki hatya bahut sooniyojit tareeke se kar saboot mitaane ki koshish ki gayi ho. Amooman loot aur dakaiti ke aaropi aisa naheen karte.

Laapata Jatin-lalit Ki Bahan Sandhya Singh Ki Laash Mili http://www.angrejinews.com/pic/623