Kya Rajiv Gandhi Ke Hatyaaron Ko Riha Kar Paaengi Jayalalita Supreme Court Ka Aham Faisala Aaj

Breaking »

Kya Rajiv Gandhi Ke Hatyaaron Ko Riha Kar Paaengi Jayalalita Supreme Court Ka Aham Faisala Aaj

Nai Delhi: poorv pradhaanamantri Rajiv Gandhi ki hatya ke case mein Supreme court aaj aham faisala sunaaega. Supreme court ko aaj ka faisala kendra sarkaar ki us yaachika par sunaana hai, jismein Tamil Nadu ki jayalalita sarkaar ke us nirnaya ko chunauti di gayi hai, jiske tahat Rajiv Gandhi ki hatya ke saat doshiyon ki rihaai ki baat kahi gayi thi. Tamil Nadu sarkaar ne in saaton doshiyon ko riha karne ka faisala kiya tha, lekin kendra sarkaar ne kaha tha ki Tamil Nadu sarkaar aisa naheen kar sakti, kyonki is case ki jaanch CBI ne ki thi aur bina usaki ijaajat ke aisa naheen kiya ja sakta. Saath hi kendra sarkaar ne kaha tha ki Rajiv Gandhi ki hatya behad gambhir aur jaghanya aparaadh hai aur iske liye doshiyon ko maaf naheen kiya ja sakta. isse pehle, Supreme court ne 18 February ko diye apne faisale mein Rajiv Gandhi hatyaakaand ke teen doshiyon - murugan, saanthan aur peraarivlan ki faansi ki saja radd kar di thi. Supreme court ne inki daya yaachikaaon mein jaroorat se jyaada vakt lene ka kaaran bataaya tha. isi faisale ke baad Tamil Nadu ki mukhyamantri jayalalita ne doshiyon ki rihaai ka aadesh diya tha, jis par kendra sarkaar ki yaachika ke baad Supreme court ne stay laga diya tha. Yeh faisala aaj Supreme court ke cheef Justice pi sataashivm ke kaaryakaal ke aakhiri din aaega.

Kya Rajiv Gandhi Ke Hatyaaron Ko Riha Kar Paaengi Jayalalita Supreme Court Ka Aham Faisala Aaj http://www.angrejinews.com/pic/48520