Kya Delhi, Kya Lahore

Movies »

Kya Delhi, Kya Lahore

Chandramohan sharma barso se Bhaarat-Pak vibhaajan film nirmaataaon ka pasandeeda sabjekt raha hai. Aajaadi ke lagbhag chhah dashak gujar jaane ke baad bhi is sabjekt par filmein banti rahati hain. Aisa bhi naheen ki is sabjekt par bani sabhi filmein tikt khidki par super hit rahi hon. 'Gadar-ek prem katha' jaisi masaala film mein is sabjekt ko karmashal style mein pesh kiya gaya aur film super hit rahi. Agar is saptaah release hui behad kam bajat aur chaar aise kalaakaaron ko lekar bani film 'Kya Delhi, kya Lahore' ki baat ki jaae to is film ki kahaani bantavaare ke kareeb ek saal ke baad ke haalaat par hai. Yeh sarhad par apne-apne desh ke liye ladte do aise sipaahiyon ki kahaani hai jo badle haalaat mein bandook ki bhaasha yaani goliyaan chalaana bhoolakar pyaar ki bhaasha seekh jaate hain. Taareef karni hogi yang filmamekar karan aroda ki jinhonne box aafis ka moh tyaag kar apni is film mein us rishte ko samajhaane ki koshish ki, jise donon deshon ke neta aur byoorokresi naheen samjha paae hain. Kahaani: Film ki shuruaat Kashmir ke ilaake se sati ek aisi fauji chauki se hoti hai, jahaan kuchh der pehle padosi mulk ke faujiyon ne hamla karke sabhi ko maar daala. Is hamle mein chauki par tainaat faujiyon ke liye khaana banaane vaala baavarchi samarth prataap shaastri (manu rishi) bach jaata hai. Vah wireless se hamle ki soochana apne aala afsaron ko deta hai. Use hukm milta hai ki jab tak chauki par madad ke liye faujiyon ki doosari tukadi na pahunch jaae, use vaheen rahana hai. Isi beech padosi desh ki sena ka afsar (vishvajeet pradhaan) apne saath bache fauji rahamat Ali (vijay raaj) ko hamle mein tabaah ho chuki bhaarateeya chauki mein jaakar us gopaneeya file ko laane ke liye bhejata hai, jise haasil karne ke liye chauki par ataik kiya gaya. Daraasal, padosi desh ke netaaon aur fauji afsaron ko shak hai laalakile se Lahore tak ke beech ek surang banaane par bhaarateeya sena kaam kar rahi hai, jiski yojana chauki mein rakhi file mein darj hai. Aikting: Padosi desh ke fauji rahamat Ali ke kirdaar mein vijay raaj ne behatareen aikting ki hai. Manu rishi sinpal style aur punjabi miks dialogue delivery ke dam par apne kirdaar mein chha gaye hain. Pakistani sena ke afsar ke chhote rol mein vishvajeet pradhaan aur bhaarateeya fauj mein daakiye ke kirdaar ko raaj jutshi ne apne sashakt abhinay se parde par jeevant kar diya hai. Nirdeshan: Taareef karni hogi vijay raaj ki, jinhonne ek hi lokeshan par filmaai gayi kahaani ki raftaar kaheen kam naheen hone di. Film ke kai samvaad aapko hansaane ka dam rakhate hain. Vijay raaj ne kul chaar kirdaaron par tiki is film se darshakon ko shuroo se ant tak baandhe rakha jo yakeenan unki upalabdhi hai. Sangeet: Is film ke sangeet aur background mein sunaai dete gaane ki khaasiyat yahi hai ki ye kahaani ka aham hissa ban gaye hain. Kyon dekhein: Agar kuchh naya aur leek se hatkar dekhne ke shaukeen hain to film aapke liye hai. Background mein myoojik ka na hona beshak khatakata hai, lekin kahaani aur film ke do pramukh kirdaaron mein itna damakham hai jo aapke dil ko chhoo leta hai. Aur haan, gulajaar ki chand laainon se staart hui is film mein gulajaar ke naam ka judna film ka star badhaata hai.

Kya Delhi, Kya Lahore http://www.angrejinews.com/pic/49370