Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Breaking »

Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Allahabad / nai Delhi: Hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain. Narendra Modi ko lekar Kumbh mein kaafi halachal hai. Haalaanki Rajnath Singh ne sangam mein dubaki lagaane ke baad patrakaaron se kaha ki party ne pradhaanamantri pad ke ummeedavaar ko lekar abhi faisala naheen liya hai aur unhonne kal ki tarah doharaaya ki pradhaanamantri pad ke ummeedavaar ka faisala BJP sansadeeya board ki baithak mein hoga. Udhar, vihip ki aaj ek aham baithak hone ja rahi hai, jismein ayodhya ke Ram mandir ko lekar prastaav ko antim roop diya ja sakta hai. Is prastaav par dharm sansad mein saadhu-sant muhar lagaaenge. Maana ja raha hai ki is baithak mein sant samaaj Narendra Modi ko pradhaanamantri pad ka ummeedavaar ghoshit karne ki maang ko lekar bhi prastaav paas kar sakte hain. Haalaanki BJP ne santon se kaha hai ki vivaad se bachane ke liye ve aise kisi prastaav ko paas na karein. Narendra Modi khud 12 February ko Kumbh mein dubaki lagaane aaenge.

Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari http://www.angrejinews.com/pic/1256