Kuchh Sarkaari Bankon Ko Retail Banking Tak Seemit Rahana Pad Sakta Hai

Business »

Kuchh Sarkaari Bankon Ko Retail Banking Tak Seemit Rahana Pad Sakta Hai

mushkil daur se gujar rahe sarkaari bankon ko retail banking tak seemit rahana pad sakta hai. Finance ministri unke vitteeya svaasthya mein sudhaar laane ke liye yeh kadam utha sakti hai. Financial services sekretari ji S sandhoo ne ikanaumik times ke dheeraj tivaari ko diye interview mein nae aproch ke baare mein charcha ki. Isi maheene post sambhaalne vaale sandhoo ne is baare mein bhi apni rai bataai ki kaise baid loan ke bojh se dabe sarkaari bank corporate leinding se door rahakar jyaada heldi ban sakte hain. Sarkaari bankon ko kai morchon par pareshaani uthaani pad rahi hai. Kya unki dikkatein door karne ke liye aapki koi straiteji hai? Har pablik bank ko apne kaamkaaj ko review karna hoga. Unako kaust of fund par gaur karna hoga aur dekhna hoga ki ve kahaan naya loan baant sakte hain. Unako rikvari prauses ko tej karna hoga aur kaust of mein kami laani hogi. Sarkaar in sab par bankon ke saath kaam karegi aur kuchh par gambheerta se vichaar karegi. Kya aap bankon ke liye loan ki limit fix karne ke baare mein soch rahe hain? Ham har bank ke saath alag alag baat kareinge. Kuchh bank majaboot hain aur kuchh ko jyaada support ki jaroorat hai. Jin bankon ka naun parafaurming eset aur balk dipaujit jyaada hai, unako apna loan business kansaulidet karne ke liye kaha jaaega. Unako corporate loan business ghataane aur retail business par focus karne ke liye kaha jaaega. Isse unako kansaulideshan karne, baid loan ghataane mein aur kaasa (kuchh bankon ka kaasa 40 feesadi se kam hai) behtar banaane mein madad milegi. Kamjor bankon ko corporate loan dene se mana kiya jaaega. Main unako kamjor bank naheen kahoonga. Lekin ham unhein retail loan par focus karne ke liye kaheinge kyonki aamtaur par aisa dekha gaya hai ki jab bade loan baid hote hain to usase bank par preshar badhta hai. Ye upaaya thode samay ke liye honge jaisa United bank of India mein kiya gaya hai. Isliye kya yoobeeaai ki tarah kuchh bankon ke liye eksapojar limit 10 karod rupaye ho sakti hai? ‌ ham har bank ke liye alag tarah se soch rahe hain. Haan, chaar paanch bank hain jahaan NPA aur doosari dikkatein hain aur ye industry naurms ke hisaab se naheen hain. Ham unke saath baat kareinge kya limit fix karna vyaavahaarik hoga aur isse unako kansaulidet karne mein madad milegi. Iske baare mein bankon ke saath vistaar se charcha ki jaaegi. Aap aur kya upaaya karne ke baare mein soch rahe hain ? Hyooman risors prauses mein sudhaar ki jaroorat hai. Dekha gaya hai ki kuchh bankon mein midl leval mein bahut gaip hai. Lambe samay se haayaring naheen hui hain. Humne kredit aprejal aur trejari opareshans par najar rakhane ke liye kametiyaan banaai hain. Aprejal proses aur loan disbarsameint ke baad fauloap ko suchaaroo banaae jaane ki jaroorat hai. Shaakhaaon utpaadakata badhaane ke upaaya karne h onge.

Kuchh Sarkaari Bankon Ko Retail Banking Tak Seemit Rahana Pad Sakta Hai http://www.angrejinews.com/pic/48827