Kuchh Neta Parivaar Niyojan Ko Protsaahit Karne Mein Sankoch Mahasoos Karte Hain Venkaiya Naidu

Breaking »

Kuchh Neta Parivaar Niyojan Ko Protsaahit Karne Mein Sankoch Mahasoos Karte Hain Venkaiya Naidu

Nai Delhi Uparaashtrapati Venkaiya Naidu ne faimili planning ke mudde ko vote ki raajaneeti se jodte hue kaha hai ki kuchh raajaneta faimili planning ko protsaahit karne mein sankoch mahasoos karte hain, kyonki unhein lagta hai ki janasankhya niyantran se unka vote niyantrit ho sakta hai. Haalaanki unhonne kisi neta ka naam naheen liya. Uparaashtrapati ne svaasthya soochakaank mein Bhaarat ki kharaab sthiti par chinta bhi jaahir ki. Bhaarat raajya stareeya rog ka bojh sambandhi report aur takaneeki report jaari karte hue uparaashtrapati ne janasankhya niyantran par ek vyaapak raajaneetik aam sahamati banaane ka aahvaan kiya. Unhonne kaha ki parivaan niyojan pahal ko protsaahit karne ke liye vyaapak charcha aur raajaneetik aam sahamati banaane ki jaroorat hai. Venkaiya ne kaha, 'Hamaare raajaneetik parivaar, niyojan ko protsaahit karne mein sankoch bhi mahasoos karte hain. Kuchh logon ka aisa bhi maanana hai ki janasankhya niyantran ho jaayega to unke vote bhi niyantrit ho jaaenge. ' Uparaashtrapati ne jor diya ki behtar svaasthya ke liye jeevan shaili mein badlaav karne ki jaroorat hai. Logon ko rogon ke upachaaraatmak kadamon ke baare mein jaagruk banaane ki jaroorat hai . Unhonne kaha ki jeevan shaili aisi ho gayi hai ki bachche TV, cinema aur social media se chipke rahate hain. Venkaiya ne kaha ki logon ko parivaar niyojan ke faayde ke baare mein bataae jaane ki jaroorat hai. Vikaas ke samaan paayadaan par khade kai deshon ki tulana mein Bhaarat mein svaasthya soochakaank ki sthiti kharaab hai. Bhaarat mein svaasthya kshetr mein achhi pragati ko dekhte hue Bhaarat aur behtar pradarshan kar sakta hai. Venkaiya ne kaha ki doctoron ko mareejon ka upachaar karte hue maanavata ke aadhaar aur raashtra nirmaan ki soch ke saath kaarya karna chaahiye. Unhonne kaha ki vah ab raajaneeti se retire ho gaye hain aur BJP se unka koi lena dena naheen hai. Is kaaryakram mein svaasthya evam parivaar kalyaan mantri J pi nadda bhi maujood the.

Kuchh Neta Parivaar Niyojan Ko Protsaahit Karne Mein Sankoch Mahasoos Karte Hain Venkaiya Naidu http://www.angrejinews.com/pic/179581