Kuchh Kaanvadiyon Dvaara Todfod Ki Ghatnaaon Par Supreme Court Sakht, Police Ko Kaarravaai Karne Ka Nirdesh

Breaking »

Kuchh Kaanvadiyon Dvaara Todfod Ki Ghatnaaon Par Supreme Court Sakht, Police Ko Kaarravaai Karne Ka Nirdesh

Nai Delhi Rajdhani Delhi samet kai shaharon mein pichhle dinon kuchh kaavandiyon dvaara ki gayi todfod ka maamala Supreme court tak pahunch gaya. Aise mein top court ne police ko spasht nirdesh diya hai ki jo kaanvadiye todfod ki ghatnaaon mein shaamil hon ya jo kaanoon ko apne haathon mein lein, unke khilaaf kaarravaai ki jaae. Daraasal, shukravaar ko ek maamale ki sunavaai ke dauraan attorney general ne court ka dhyaan kaavadiyon ki vajah se kaanoon vyavastha ke bigde haalaat par dilaaya tha. AG ne kaha ki humne vidiyo mein dekha hai ki kaanvadiye sadak par vaahanon ko palat rahe hain, police ne kya aikshan liya hai? Justice chandrachood ne bhi kaha ki Allahabad mein kaavandiyon ne national highway par aadha raasta block kar diya. Attorney general ne kaha ki desh mein har hafte padhe-likhe log dange kar rahe hain. Kabhi Mumbai mein maraatha aandolan to kabhi SC/ST aikt ko lekar virodh pradarshan hote hain. Dekhein, ab bulandashahar mein kaanvadiyon ka koharaam Unhonne kaha ki ek film ki release ke dauraan ek abhinetri ko dhamakaaya gaya. Is par court ne AG se poochha ki is par aapka kya sujhaav hai? AG ne kaha, 'Aisi sthiti mein police ke aala adhikaariyon ki javaabadehi sunishchit ki jaae. ' Dekhein: Pulisvaale dekhte rahe, kaanvadiye car todte rahe Aapko bata dein ki hinsak bheed se niji sampatti ko nuksaan ke khilaaf daayar yaachika par sunavaai ke dauraan attorney general ne yeh baatein kahi. Yaachikaakarta ne film se naaraaj logon ke thiatar par hamle/dhamaki dene ka maamala uthaaya tha. Is par Supreme court ne aadesh surakshit rakha hai.

Kuchh Kaanvadiyon Dvaara Todfod Ki Ghatnaaon Par Supreme Court Sakht, Police Ko Kaarravaai Karne Ka Nirdesh http://www.angrejinews.com/pic/217867