Kuchh Bhi Aapattijanak Naheen 'Vishvaroop Mein

Movies »

Kuchh Bhi Aapattijanak Naheen 'Vishvaroop Mein

Mumbai: Apne tamil sanskaran ko lekar kaafi uthal-puthal aur dheron vivaadon ke baad kamal Hassan ki 'Vishvaroop' aaj kai jagah hindi mein release ho gayi hai. . . Is film mein director-actor-producer aur film ke writer kamal Hassan dikheinge pehle ek dance teacher ke kirdaar mein, jo har samay ladkiyon se ghire rahate hain, aur unki patni, yaani pooja Kumar, un par is kadar shak karti hai ki apne pati ke peechhe laga deti hai ek jaasoos, jo kamal ka peechha karte-karte mar jaata hai, aur is poori ghatna ke taar jaakar mil jaate hain, aatankvaad se. . . Ab agar main film ki kahaani ke baare mein isse zyaada aapko kuchh bataaoonga to usaki sabhi paratein khul jaaengi, isliye kahaani chhodkar baat karte hain, film ki achhaaiyon aur khaamiyon ki. . . Aaie, pehle khaamiyon ka zikr karte hain - 'Vishvaroop' ki kahaani ki baat karein, iske kuchh scenes aapko lambe lag sakte hain, aur kuchh hisson mein film aapko documentary jaisi bhi lag sakti hai, lekin yah baat mujhe pasand I, kyonki agar aapko koi mudda uthaana hai to usaki tah tak jaana bhi zaroori hai aur use vaastavik rakhana bhi. . . Film mein kamal Hassan ke ek kirdaar par filmaaya gaya ek gaana kahaani mein dilchaspi kam karta hai, parantu shaayad vah gaana us kirdaar ko dilchasp banaane ke liye zaroori bhi tha. . . Kamal Hassan vaakai kya hain - ek army officer, ek jaasoos, ek commando - yah saaf naheen ho paata. . . Saath hi jehaadiyon se vah kyon alag hote hain, yah bhi pata naheen chal paata. . . Ab baat film ki achhaaiyon ki - film mein thaharaav kaafi hai, jis vajah se aap kahaani se jude rahate hain. . . Action zabaradast hai. . . Effects damadaar hain. . . Background music behatareen hai, jise behad achhe dhang se istemaal kiya gaya hai, aur vah scenes par haavi naheen hota. . . Cinematography khoobsoorat hai. . . Film ka sangeet bhi film ke hisaab se achha hai. . . Film mein vishvanaath, yaani kamal Hassan aur unki patni Dr. Niroopama, yaani pooja Kumar ke beech behad khoobsoorat pal filmaae gaye hain, jo aapko gudagudaate hain. . . Sabhi kirdaaron ka abhinay achha hai, chaahe kamal ki baat karein, ya Rahul Bose ki. . . Film mein kai behatareen dialogue bhi hain, jo ek line mein hi damadaar baatein kah jaate hain. . . Jehaadiyon ki maanasikta, aur unke parivaar ki soch mein fark, aisi kai baatein hain, jo aapko sochane par majaboor kar deti hain. . . Mujhe is film mein aisa kuchh naheen laga, jo aapattijanak ho. . . Ek baar film zaroor dekhein. . . Isliye bhi dekhein, kyonki film achhi hai, aur isliye bhi dekhein, taaki aap samajh sakein ki til ka taad kaise banaaya jaata hai. . . Meri taraf se 'Vishvaroop' ko 3.5 star. . .

Kuchh Bhi Aapattijanak Naheen 'Vishvaroop Mein http://www.angrejinews.com/pic/766