Krushi Kshetr Ke Kaaryakram 'Agro World Ka Aayojan 24 Se 27 Aktrabar Ke Beech

Business »

Krushi Kshetr Ke Kaaryakram 'Agro World Ka Aayojan 24 Se 27 Aktrabar Ke Beech

Nai Delhi, 20 October (bhaasha) bhaarateeya khaadya evam krushi parishad 24 se 27 October ke beech yahaan krushi kshetr ke sabse bade sammelan, pradarshani evam puraskaar samaaroh- agro world 2018 ka aayojan karne ja raha hai. Ismein krushi evam paryaavaran ke kshetr ko lekar charcha bhi hogi. chaar divseeya is kaaryakram 'Indiya international agro trade end technology fair- 2018' mein is saal Bhaarat sahit 15 deshon ki diggaj hastiyaan bhaag leingi tatha krushi evam paryaavaran ke kshetr mein vaishvik agenda par charcha kareinge. kaaryakram ke aaranbhik satr 'Global leadership forum' ka udghaatan 24 October ko vaanijya evam udyog mantri suresh prabhu kareinge aur shaam ko gruh mantri Rajnath Singh krushi kshetr mein vishisht yogadaan ke liye puraskaar deinge. 25 October ko krushi mantri raadhaamohan Singh Delhi ke poosa mein aayojit ek krushi pradarshani ka udghaatan kareinge. 26 October ko uparaashtrapati Venkaiya Naidu vigyaan bhavan mein aayojit ek kaaryakram mein prakhyaat krushi vaigyaanik M S svaameenaathan ko puraskrut kareinge. bhaarateeya khaadya evam krushi parishad (aaiseeefae) ke adhyaksh Dr M J Khan ne kaha, ''Egrovarld 2018, sarkaari evam niji kshetr ke sabhi hitdhaarakon ko ek manch par laaega, jahaan unhein krushi kshetr mein maujood avsaron evam muddon par charcha karne ka mauka milega. '' krushi moolya shrrunkhala mein staartaaps par ek vishesh satr ka aayojan kiya jaaega. Yeh satr is kshetr mein kaarobaar ke avsaron, saajhedaariyon aadi ke sambandh mein mahatvapoorn manch saabit hoga. Prardashani ke dauraan krushi moolya shrrunkhala ke aisi vishvastareeya takaneekon aur tareekon ko pradarshit kiya jaayega jo desh-videsh mein kisaanon ki samruddhi ke liye faayademand saabit ho sakti hain. Kaaryakram ke mauke par krushi kshetr mein vishisht yogadaan ke liye kendreeya gruh mantri Rajnath Singh dvaara puraskaar diye jaayeinge. agro world 2018 ke dauraan krushi, jaiv prodyaugiki, khaadya prasanskaran mantraalaya ke pratinidhi hissa leinge. Iske alaava Asia, Africa, laitin America, America, Canada aur Australia se bhi bade adhikaari, mantri evam raajadoot ismein bhaag leinge.

Krushi Kshetr Ke Kaaryakram 'Agro World Ka Aayojan 24 Se 27 Aktrabar Ke Beech http://www.angrejinews.com/pic/229646