Kredit Card Par Lagne Vaale 5 Chaarj, Jinke Baare Mein Shaayad Hi Jaante Hon Aap

Breaking »

Kredit Card Par Lagne Vaale 5 Chaarj, Jinke Baare Mein Shaayad Hi Jaante Hon Aap

Aadil Shetty CEO, bank baajaar Aajkal paas mein ek kredit card ka hona bahut jaroori ho gaya hai. Ab hamaare adhikaansh pemeint digital tareeke se hone lage hain. Online len-den karne ke liye aur adhikaansh E-Commerce deels karne ke liye aapke paas kredit card hona jaroori hai. Iske alaava paas mein nakad paise na hone par bhi kredit card kaafi madadgaar saabit hota hai. Aajkal kredit card kai tarah ki riyaayaton ke saath mil rahe hain, jaise life inshyoreins, ekseedeintal kavar, kharch par air maails ka sanchaya, airport laaunj ekses aur kharch ya rel rijrveshan ityaadi par kaishabaik ka vikalp. Magar aamtaur par is baat ko anadekha kar diya jaata hai ki kredit card ekdam se muft naheen hote hain. In par bhi kai tarah ke chaarj lagte hain, jinmein se kuchh chaarj ke baare mein kai log jaante honge, jabki baaki sabhi chaarj ke baare mein kai log theek se jaante bhi naheen honge. Aise mein baad mein penalty, bahut jyaada byaaj aur atirikt pemeint chaarj ityaadi se bachane ke liye is tarah ki kam jaankaari vaale chaarj ke baare mein jaanana-samajhna jaroori hai. Aaiye aapko kredit card se jude paanch aise chaarj ke baare mein bataate hain, jiski logon ko kam jaankaari hoti hai. ATM se paise nikaalne par Kredit card par ATM se nakad paise nikaalne ki suvidha milti hai, lekin yeh seva muft naheen hai. Nakad paise nikaalne par lagbhag 2.5% chaarj lagta hai. Paise nikaalne ki taareekh se 24% se 46% prati varsh ki dar se us par byaaj bhi lagta hai. Isliye iska istemaal hamesha antim upaaya ke taur par hi kiya jaana chaahiye. Iske alaava ATM se nakad paise nikaalne par kredit card se anya len-den ke vipreet, paise nikaalne ke din se hi byaaj lagana shuroo ho jaata hai, jabki kredit card se anya len-den par 40-50 din ka byaaj mukt samay milta hai. Ainual menatenens chaarj Koi bhi kredit card lete samay hamesha uske ainual chaarj ke baare mein jaroor jaan lein. Kabhi-kabhi ise poori tarah ya ek seemit samay avadhi ke liye maaf kiya ja sakta hai. Aamtaur par ek free kredit card par is tarah ka chaarj naheen lagta hai. Kuchh card par doosare saal se yeh chaarj lag sakta hai. Isliye hamesha is tarah ke chaarj ke baare mein jaroor jaan lein aur saath mein yeh bhi pata kar lein ki inhein aapke liye maaf kiya gaya hai ya naheen. Intrest chaarj Kredit card bill mein kul deya raashi aur nyoonatam deya raashi ka ullekh hota hai, jo kul deya raashi ka lagbhag 5% hota hai. In donon chaarj ke baare mein theek se na samajhne par aap karj ke jaal mein fans sakte hain. Kai log aksar sirf nyoonatam deya raashi ka hi bhugataan karte hain aur shesh raashi ka bhugataan peinding chhod dete hain. Yahaan is baat par dhyaan dena jaroori hai ki shesh raashi par har maheene 2% se 4% ki dar se byaaj lagta hai. Is maasik byaaj dar ko vaarshik roop mein badalne par APR ya vaarshik pratishat dar 36% se 38% tak pahunch jaata hai, jo kisi bhi loan ke liye atyant adhik hai. Saamaanya byaaj dar ke saath is vaarshik pratishat dar ke mil jaane se yeh ek bahut bade faainainshiyl bojh ka roop le sakta hai. Isliye hamesha apne kredit card bill ka bhugataan poora aur har maheene samay par karein. Yadi aap aisa karne mein asamarth hain, to bahut adhik intrest chaarj se bachane ke liye apne karj ko kam se kam samay mein chukaane ki koshish karein. Let pemeint chaarj Kredit card ke bill ka pemeint karne mein deri hone par penalty lag sakti hai. Jab graahak deya tithi tak apne maasik kredit card bill ka pemeint naheen karta hai ,tab yeh chaarj lagta hai. Is let pemeint chaarj mein ek flait let pemeint chaarj, byaaj aur us byaaj par lagne wala GST chaarj bhi shaamil hota hai. GST rets GST laagoo hone se pehle kredit card se judi sevaaon par 15 pratishat ki dar se tax liya jaata tha. GST laagoo hone ke baad se yeh 3 pratishat bad gaya hai, jisse kredit card companiyaan ab 18 pratishat chaarj lene lagi hain. Aapko pata hona chaahiye ki GST laagoo hone ke baad se byaaj ya let pemeint chaarj par jyaada tax lagega. (BankBazaar. Com Bhaarat mein sthit ek pramukh online maarketaples hai jo kredit card, parsanal loan, hom loan, car loan, aur inshyoreins ki tulana aur aavedan karne mein upabhoktaaon ki madad karta hai. )

Kredit Card Par Lagne Vaale 5 Chaarj, Jinke Baare Mein Shaayad Hi Jaante Hon Aap http://www.angrejinews.com/pic/205364