Koreai Jahaaj Haadase Mein Mrutakon Ki Sankhya 159 Hui

Breaking »

Koreai Jahaaj Haadase Mein Mrutakon Ki Sankhya 159 Hui

Siyol: dakshin Korea ke ek jahaaj ke samudra mein doob jaane se marne vaalon ki sankhya badhkar guruvaar ko badhkar 159 ho gayi. Khoj evam talaashi abhiyaan jaari hain. Jahaaj pichhle saptaah Budhvaar ko samudra mein doob gaya tha. samaachaar agency sinhuaa ke anusaar, nau dinon ke talaashi abhiyaan mein 159 logon ke maare jaane ki pushti ho chuki hai, jabki 143 ab bhi laapata hai. Keval 174 logon ko bachaaya ja saka hai. mausam anukool hone ki vajah se talaash jaari hai aur mrutakon ka aankada badhta ja raha hai. Korea ka sivol jahaaj jindo dweep ke paas samudra mein 16 April ko doob gaya tha. Is samudra ki laharein behad tej rahati hain, lekin somvaar se yeh dheemi hui hai. Doobe hue jahaaj se Budhvaar ko 38, mangalvaar ko 36 aur somvaar ko 28 shav nikaale gaye the. talaashi ke kaam mein guruvaar ko saikadon gotaakhor laga diye gaye hain, kyonki shukravaar ko lahar ke tej hone ki sambhaavana jataai gayi hai. Yahaan shanivaar ko baarish ke bhi aasaar hain. saikadon tat rakshak, nausena ke gotaakhor tatha niji gotaakhor paanch manjila jahaaj ki chauthi manjil par bane kebin mein yaatriyon ko talaash kareinge, jahaan yaatriyon ke fanse hone ki aashanka hai. Talaashi ke kaam mein 210 jahaaj aur 34 vimaan bhi laga diye gaye hain.

Koreai Jahaaj Haadase Mein Mrutakon Ki Sankhya 159 Hui http://www.angrejinews.com/pic/48458