Koreai Jahaaj Haadase Mein Ab Tak 269 Shav Mile

Breaking »

Koreai Jahaaj Haadase Mein Ab Tak 269 Shav Mile

Siyol: dakshin Koreai jahaaj durghatana mein mrutakon ki sankhya Budhvaar ko 269 ho gayi. Samaachaar agency sinhuaa ke anusaar, jahaaj ki talaash ke 22vein din 269 logon ke maare jaane aur 33 logon ke laapata hone ki pushti ki gayi hai. 16 April ko hue haadase ke baad sirf 174 logon ki hi bachaaya ja saka hai. 6,825 tan bhaar vaala yaatri jahaaj desh ke dakshin-pashchim ilaake mein jindo dweep se door samudra mein doob gaya. Is jahaaj ke 476 yaatriyon mein do-tihaai log siyol ke ek school ke chhaatr the. Budhvaar ko samudri laharon ke dheemi hone ki vajah se khoji abhiyaan tej kar diya gaya hai. Ghatnaasthal par laharon ke 1.2 meter prati seinkeind ki raftaar se bahne ki sambhaavana hai. aapada kendra ke pravakta koh myung-siyok ne press ko bataaya ki laharon ke dheema hone par 116 gotaakhoron ko khoji abhiyaan ke liye bheja jaaega. khoj aur bachaav dal ne 64 yaatri kebin mein khoj ka pratham charan poora kar liya hai, jismein kai shavon ke hone ki aashanka jaahir ki ja rahi thi.

Koreai Jahaaj Haadase Mein Ab Tak 269 Shav Mile http://www.angrejinews.com/pic/49864