Kolaget Faailon Ki Jaanch CVC Se Karaane Par SC Peechhe Hata

Business »

Kolaget Faailon Ki Jaanch CVC Se Karaane Par SC Peechhe Hata

[ samanvaya ratoodi | nai Delhi ] Supreme court ne kol blauk elokeshan vivaad se jude aise sabhi maamalon ki faailon ki jaanch central vijileins commission (CVC) se karaane ke baare mein apne kadam guruvaar ko vaapas kheench liye, jinmein CBI ne klojar riports daakhil kar di hain. Haalaanki, iske saath hi CBI se kol blauk elokeshan maamalon mein koi or klojar report daakhil na karne ke liye bhi Supreme court ne kaha. Court NGO seepeeaaiel aur adhivakta manohar laal sharma ki or se daayar ki gayi do yaachikaaon ki sunavaai kar raha hai. Inmein 1993 se kiye gaye sabhi kol blauk elokeshans ko chunauti di gayi hai. Ismein vah samay bhi shaamil hai, jab pradhaanamantri Manmohan Singh ke paas bhi kol ministri ka chaarj raha tha. Court ne in sabhi aaropon ki jaanch ka kaam lagbhag do varsh pehle CBI ko diya tha. CBI ne inmein se kuchh maamalon mein klojar riports daakhil kar di hain, jin par seepeeaaiel ki or se pesh hue adhivakta prashaant bhooshan ne savaal uthaaya hai. Budhvaar ko Supreme court ne sanket diya tha ki vah CVC se un faailon ki jaanch karne ko kah sakta hai, jinmein klojar riports daakhil ki gayi hain. Haalaanki guruvaar ko court ne yeh faisala ek aur din ke liye taal diya kyonki CBI ke vakeel amarendr saran ne chetaavani di ki is tarah ke kisi bhi faisale se adhikaariyon ko koi aur klojar report daakhil karne se bachane aur maamale mein har anya vyakti ko chargesheet karne ka sandesh jaaega. Unka kehna tha, 'Court ke aise kisi bhi faisale se adhikaariyon par chargesheet ka dabaav banega. Main yahaan vyaavahaarikta ki baat kar raha hoon. Kisi galat vyakti ko chargesheet na karna behtar hai kyonki sahi vyakti ko chargesheet karna mahatvapoorn hai. ' cheef Justice aar M lodha ki aguvaai waali bench is daleel se aashvast naheen thi aur usane ise 'Anaprofeshanal' karaar diya, lekin saran apni sthiti par bane rahe. Justice lodha ne poochha, 'Pratyek svatantrata ke saath ek androoni bandish hoti hai. Yeh belagaam ghoda naheen hai. Niyantran hone chaahiye kyonki humne deepeeesai act ke sekshan 6e ko asamvaidhaanik ghoshit kar diya hai, kya aap kuchh kar sakte hain? ' haalaanki, saran ne kaha ki CBI maamalon se judi sabhi faailein CVC ko saunpane ke liye taiyaar hai, jinmein agency se shuruaati jaanch ki hai lekin regular case daakhil na karne ka faisala kiya hai. Saran ka kehna tha ki jin maamalon mein regular case daakhil kiye gaye hain , unhein lekar chargesheet sahi daakhil karne ya klojar report daakhil karne ka faisala us court par chhod dena chaahiye , jismein ye daakhil ki gayi hain. Bench mein Justice madan bi lokur aur kuriyan Joseph bhi shaamil hain. Bench ne iske baad CBI se un sabhi maamalon ki faailein CVC ko saunpane ke liye kaha , jinmein shuruaati jaanch poori ho chuki hai lekin koi regular case naheen daakhil kiya gaya hai. CBI ke special director O pi gilhotra par jindal se sambandhit hone ki vajah se hiton ke gambhir takaraav ka aarop hai. Unhonne kol blauk elokeshan ke kisi bhi maamale se khud ko alag karne ki peshakash ki. Bench ne ise sveekaar kar liya.

Kolaget Faailon Ki Jaanch CVC Se Karaane Par SC Peechhe Hata http://www.angrejinews.com/pic/50041