Kohare Ko Khaane Laga Pradooshan, Log Ho Rahe Beemaar

Breaking »

Kohare Ko Khaane Laga Pradooshan, Log Ho Rahe Beemaar

Nai Delhi Pradooshan ki vajah se ab Delhi ke kohare mein chhed hone lage hain. Iska matlab hai ki ghane kohare ke beech kisi hisse par aasmaan saaf rah jaata hai. Ise faug hol kaha jaata hai. Iski vajah se kai tarah ke nuksaan ho sakte hain. Pichhle 17 saal ki saitalaait imej mein yeh baat saamane I hai. Poori duniya ke mukaabale Delhi mein sabse jyaada faug hol mile hain. American jiyofijikl research letar journal ki ek report ke anusaar Delhi mein baaki shahari ilaakon ke mukaabale kuchh jyaada hi faug hol paae gaye hain. Kohara sardiyon ke liye jaroori maana jaata hai. Faug hol banane se jameen mein nami kam hone lagti hai. Iske saath hi us khaas jagah par taapamaan bhi adhik bana rahata hai. Faug hol waali jagahon par adhiktam aur nyoonatam taapamaan mein kaafi antar ho jaata hai aur log jyaada beemaar hote hain. Pakshiyon aur jeevon par khatarnaak asar hota hai aur vah palaayan tak karne lagte hain. Pichhle 17 saalon ke deta par prafesar ritesh Gautam aur manoj Singh ne ek research ki hai. Is research mein kaha gaya hai ki pradooshan ki vajah se faug ke banane ki prakriya dheemi ho rahi hai. Delhi mein December aur January mein 90 se adhik faug hol paae gaye. Aath saal (2009-2016) ke aakalan mein paaya gaya ki aise case Delhi mein lagaataar badh rahe hain. Skaaimet ke cheef metrolaujist Dr. Mahesh palaavat ke anusaar faug hol ghani aabaadi vaale ilaakon mein jyaada hota hai. Jin ilaakon mein hariyaali kam aur traffic jaisi gatividhiyaan jyaada hain, vahaan kohare mein chhed hone lagte hain. Sardiyon mein south ex, RK puram, punjabi baag jaise ilaakon mein faug jaldi khatm hota hai.

Kohare Ko Khaane Laga Pradooshan, Log Ho Rahe Beemaar http://www.angrejinews.com/pic/188257