Kohare Ki Vajah Se Vimaanon Ki Aavaajaahi Baadhit

Business »

Kohare Ki Vajah Se Vimaanon Ki Aavaajaahi Baadhit

Nai Delhi: Ghane kohare ki vajah se indira Gandhi antararaashtreeya havaaiadde par 30 se adhik ghareloo aur antararaashtreeya udaanon ka kaaryakram somvaar ko prabhaavit hua. Parichaalan sambandhi kaaranon ke chalte 10 udaanein radd ki gain. Air India ki dubai se aane vaale udaan AI 996 ko parichaalan sambandhi vajah se subah chaar baj kar 45 minute par Mumbai ki or moda gaya. Havaaiadda ke adhikaariyon ne bataaya ki aadhi raat se havaaiadde par kohara chhaane laga tha aur drushyata sirf 50 meter thi. Tadke kareeb teen baje teesari havaaipatti par drushyata ghat kar 50 meter rah gayi, jabki mukhya havaaipatti par drushyata kareeb 1000 meter thi. Baharahaal, 40 minute baad sthiti badli aur mukhya havaaipatti par drushyata 125 meter ho jaane par adhikaariyon ne kam drushyata waali pranaaliyaan apnaai. Subah chhah baje teesari havaaipatti par drushyata kareeb 100 meter thi jiski vajah se yahaan vimaanon ki ravaanagi ke bajaay sirf unhein utaara gaya. Vimaanon ke udaan bharne ke liye nyoonatam drushyata 125 meter se 150 meter hona jaroori hai. Pichhle do din havaaiadde par vimaanon ki aavaajaahi saamaanya rahi, kyonki kohara ghana naheen tha.

Kohare Ki Vajah Se Vimaanon Ki Aavaajaahi Baadhit http://www.angrejinews.com/pic/57