Kisaanon Se Kiya Vaada Poora Karne Ka Sarkaar Ke Paas Aakhiri Mauka Shivsena

Breaking »

Kisaanon Se Kiya Vaada Poora Karne Ka Sarkaar Ke Paas Aakhiri Mauka Shivsena

Mumbai Shivsena ne kisaanon ke Mumbai March ko sattaaroodh BJP ke munh par 'Tamaacha' bataate hue mangalvaar ko kaha ki kisaanon ne Maharashtra sarkaar ko unase kiye apne vaade poore karne ka antim mauka diya hai. Vipaksh aur gathabandhan sahayogi shivsena ki katu aalochna jhel rahi raajya sarkaar ne aandolanarat kisaanon ki maangein somvaar ko sveekaar kar li theen. Ismein jungle bhoomi par krushi karne ka adhikaar bhi shaamil hai. Shivsena ne apne party ke mukhapatr 'Saamana' ke sampaadkeeya mein likha hai, 'Kisaanon ki or se mile is jhatke ne sarkaar ko seedhe raaste par la diya hai. Uske paas aandolanakaariyon ki maang maanane ke alaava koi vikalp naheen tha. ' Devendra fadanavees sarkaar par tanj kasate hue shivsena ne kaha ki kisaanon ke muddon par kundali maar kar baithe sarkaar ke log achaanak samvedansheel ho gaye hain. Jo abhi tak kisaanon ka gussa mahasoos naheen sakte the, ve unki maangon par sakaaraatmak rukh apnaane lage hain. Sampaadkeeya mein likha gaya hai, 'Kisaanon ke aandolan ka prabhaav itna majaboot tha ki sarkaar ko unhein likhit mein dena pada ki unki sabhi maangein maani jaati hain. Sarkaar apne chehare par kisaanon ka yeh tamaacha hamesha yaad rakhegi aur bhavishya mein koi bhi shramikon ke jeevan se khelne ki himmat naheen karega. ' BJP neet fadanavees sarkaar par nishaana saadhate hue shivsena ka kehna hai ki jo log chhatrapati shivaaji ka naam lekar satta mein aae the, unhonne pichhle saadhe teen varshon mein sirf ghoshanaaen ki hain aur logon ko nyaaya ke liye saikadon kilometer chalne par majaboor kiya hai. Maharashtra aur kendra sarkaar mein BJP ki gathabandhan sahayogi shivsena ne kaha, 'Kisaanon ki or se sarkaar ko mila yeh antim avsar tha. Use kisaanon ke diye gaye likhit aashvaasanon ko poora karna hi hoga. '

Kisaanon Se Kiya Vaada Poora Karne Ka Sarkaar Ke Paas Aakhiri Mauka Shivsena http://www.angrejinews.com/pic/196225