Kingfisher Ko Teesari Timaahi Mein 755 Karod Rupaye Ka Ghaata

Business »

Kingfisher Ko Teesari Timaahi Mein 755 Karod Rupaye Ka Ghaata

Mumbai/Bengaluru: Karj mein doobi vimaanan company Kingfisher airlines ko maujooda kaarobaari saal ki teesari timaahi mein 755 karod rupaye ka shuddh ghaata huaa. Vimaanan company ko shramik samasya ke kaaran udaanon ka sanchaalan rokana pada tha aur iske baad October 2012 mein iske udaan license ko nilmbit kar diya gaya tha. Vimaanan company ke lekhaapareekshak beeke raamadhyaani end company ne kaha ki yadi vimaanan company Bhaarat mein jaari lekha maanakon ka upayog karti to usaka nuksaan 1,090 karod rupaye ka hota hai. Mumbai stock exchange mein di gayi soochana ke mutaabik company ne sameekshaadheen avadhi mein 401 karod rupaye ka vitteeya kharch uthaaya aur vimaanon ke patte par 182 karod rupaye kharch kiye. Dopahar mein Mumbai stock exchange mein company ke share 2.71 feesadi giraavat ke saath 12.20 rupaye par kaarobaar karte dekhe gaye. Company par filhaal bankon, vimaan leejing companyon, havaaiadda sanchaalakon, tel vipnan companyon tatha anya aapoortikrtaaon ke lagbhag 8,000 karod rupaye bakaaya hone ka anumaan hai. Vimaanan company apne karmachaariyon ko bhi kai maheene se bakaae ka bhugataan naheen kar paai hai. Company ne share baajaar ko di gayi soochana mein kaha hai ki udaan license fir se haasil karne ke liye aur udaanon ka sanchaalan fir se shuroo karne ke liye niyaamakeeya sharton ko poora karne mein isne ullekhaneeya pragati ki hai. Company ka license 20 October 2012 ko nilmbit kar diya gaya tha. Isse pehle karmachaariyon ki hadtaal ke kaaran udaanon ka sanchaalan thap ho gaya tha. License aupachaarik roop se 31 December 2012 ko nirast ho gaya aur company dvaara sanchaalan fir se shuroo karne ki yojana bhi naagrik uddayan mahaanideshaalaya ne is bina par radd kar di ki ismein thos vivran maujood naheen the. Vijay Mallya is company ke promoter hain. Company do saalon mein apna license fir se naya kar sakti hai.

Kingfisher Ko Teesari Timaahi Mein 755 Karod Rupaye Ka Ghaata http://www.angrejinews.com/pic/1134