Khoon-kharaabe Ke Baad Fir Shaanti Ki Or Laute Ijaraayal, Filisteen

World »

Khoon-kharaabe Ke Baad Fir Shaanti Ki Or Laute Ijaraayal, Filisteen

Gaaja city (filisteen kshetr) Ijaraayal ne seema par ek sainik ki maut ke baad gaaja patti par shukravaar ko ghaatak hamle shuroo kar diye aur is khoon-kharaabe ke baad donon shanivaar ko fir sangharsh viraam par sahamat ho gaye. Hamaas aur ijaraayal ke beech shukravaar ko golebaari hui jismein hamaas ke teen ladaakon ki maut ho gayi. Gaaja ke islaamik shaasak hamaas ke pravakta ne bataaya ki isse pehle misr aur sanyukt raashtra ki madhyasthata ke baad ek yuddhaviraam samjhauta kiya gaya tha aur aaj ek baar fir donon sangharsh viraam par sahamat hue. Hamaas ke pravakta favaji baraham ne ek bayaan mein kaha ki ek sainik sahit 5 logon ki maut ke baad hamaas aur ijaraayal aaj ek baar fir sangharsh viraam ko taiyaar ho gaye. Baraham ne kaha, 'Antararaashtreeya aur sanyukt raashtra ke prayaason ke baad, ham ek baar fir ijaraayal ke kabje vaale kshetr aur aur filisteen guton ke beech poorv mein hue sangharsh viraam par sahamat ho paae hain. ' Isse pehle, filisteeniyon dvaara seema ke najadeek ijaraayali sainikon ko goli maarane ke baad ijaraayal ne shukravaar gaaja mein hamaas ke thikaanon ko nishaana banaaya, jinmein 3 filisteeniyon ki maut ho gayi. Ijaraayali sena ne kaha ki usane havaai hamle kiye aur tank se golaabaari ki. Filisteeni adhikaariyon ne bataaya ki in hamlon mein kam se kam 3 logon ki maut hui hai. Gaaja ke svaasthya mantraalaya ne hataahaton ki sankhya ki pushti ki hai. Hamaas ne bhi apne bayaan mein pushti ki ki marne vaale teenon uske samooh ke sadasya the.

Khoon-kharaabe Ke Baad Fir Shaanti Ki Or Laute Ijaraayal, Filisteen http://www.angrejinews.com/pic/214857