Khilaadiyon Ko Satark Rahana Hoga Fixing Par Bole Rahul Dravid

Breaking »

Khilaadiyon Ko Satark Rahana Hoga  Fixing Par Bole Rahul Dravid

Ahmedabad: Rajasthan Royals ke mentor Rahul Dravid ne prasannata jataai ki IPL ke maujooda satr mein abhi tak spot fixing ya match fixing vivaad saamane naheen aaya hai, lekin unhonne kaha ki khilaadiyon ko har samay apne aankh aur kaan khule rakhane honge. Dravid ne kaha, 'Yeh achhi baat hai ki abhi tak match fixing ka koi maamala saamane naheen aaya hai lekin hamein chaukanna rahana hoga aur apne aankh kaan khule rakhane honge kyonki khel ko kharaab karne ki koshish mein log jute honge. ' pichhle satr mein IPL spot fixing vivaadon ke ghere mein aa gaya tha aur Rajasthan Royals ke teen khilaadiyon S shreesant, ajit chandeela aur ankit chavhaan ko giraftaar kiya gaya tha. Dravid ke saath Royals ke kaptaan Shane Watson, mukhya coach paidi upatan aur kuchh anya khilaadi bhi press conference mein maujood the. Jaipur mein IPL ka koi match is saal naheen hai lihaaja Ahmedabad ko Rajasthan Royals ka ghareloo maidaan banaaya gaya hai. Dravid ko yahaan sthaaneeya samarthan milne ki ummeed hai. unhonne kaha, 'Ahmedabad hamesha raayals ke liye laki raha hai. Hamaara record is maidaan par achha raha hai aur kriketapremi yahaan khel ke usi tarah deevaane hain. Mujhe ummeed hai ki sthaaneeya logon se hamein samarthan milega. ' Watson ne team ka mentor banane ke liye Dravid ko dhanyavaad diya. Unhonne kaha, 'Mujhe kaptaani saunpi gayi to mujhe bahut achha laga. Main Rahul jaise behatareen cricketer se seekh raha hoon jise pata hai ki har khilaadi se sarvashreshth pradarshan kaise karaana hai. ' unhonne kaha, 'Hamaari team ki sabse achhi baat yeh hai ki hamaare paas kai coach naheen hai masalan geindabaaji coach, ballebaaji coach ya feelding coach. '

Khilaadiyon Ko Satark Rahana Hoga Fixing Par Bole Rahul Dravid http://www.angrejinews.com/pic/49906