Khashogi Ki Maut Par Saudi Ki Jaankaari Se Santusht Naheen Trump

World »

Khashogi Ki Maut Par Saudi Ki Jaankaari Se Santusht Naheen Trump

Washington Ameriki raashtrapati daunald trump ne kaha hai ki vah patrakaar jamaal khashogi ki maut ke baare mein Saudi arab ki or se di gayi jaankaari se santusht naheen hain. Haalaanki, unhonne jor dekar kaha ki Saudi arab shaasan ke aalochak patrakaar khashogi ki maut par vaishvik aakrosh ke beech vah is khaadi desh ke saath 110 arab ameriki dollar ke hathiyaar saude ko radd naheen karna chaaheinge. Saudi arab ne shanivaar ko ek bayaan jaari kar kaha tha ki do October ko Turkey ke istaanbul sthit uske vaanijya dootaavaas mein jhagade ke baad khashogi ki maut ho gayi. Haalaanki, Saudi arab ne yeh naheen bataaya ki khashogi ka shav kahaan hai. Turkey ke adhikaariyon ka maanana hai ki khashogi ki hatya karke unke shav ke tukade-tukade kar diye gaye. Trump ne kaha, 'Jab tak hamein javaab naheen mil jaata, main santusht naheen hoon. ' unhonne kaha ki pratibandh ka vikalp sambhav hai lekin hathiyaar saude ko rokane se unase jyaada nuksaan hamein hoga. ' trump ne nevaada mein patrakaaron se kaha, 'Yeh aisi cheej hai jise ham pasand naheen karte. Yeh bahut gambhir baat hai. Ham iski tah tak jaaenge aur pata kareinge. '

Khashogi Ki Maut Par Saudi Ki Jaankaari Se Santusht Naheen Trump http://www.angrejinews.com/pic/229768