Kharaab Faainains Ministar Ho Sakta Hoon, Lekin Chidambaram Jaisa Fraud Naheen Yashavant

Business »

Kharaab Faainains Ministar Ho Sakta Hoon, Lekin Chidambaram Jaisa Fraud Naheen Yashavant

Nai Delhi keindreeya vitt mantri pi. Chidambaram aur BJP neta yashavant sinha ke beech ek baar fir jabaani jang chhid gayi hai. Chidambaram ki tippani par palatavaar karte hue yashavant sinha ne kaha ki Chidambaram ne bajat mein hamesha hi 'Farjeevaada' kiya hai. Isse pehle Chidambaram ne sinha par nishaana saadhate hue kaha tha ki poorv vitt mantri sinha ke kaaryakaal mein bhaarateeya ikaunami ne udaareekaran ke baad ke sabse kharaab varshon ko dekha. Sinha ne palatavaar karte hue kaha, 'Ho sakta hai ki main 1991 ke baad sabse kharaab vitt mantri raha hoon, lekin mainne farjeevaada naheen kiya. Chidambaram 1991 ke baad ke sabse chaalaak vitt mantri rahe hain aur unhonne keval is saal naheen, balki hamesha hi farjeevaada kiya. ' raajakosheeya ghaate par ankush lagaane ke Chidambaram ke daave ko khaarij karte hue unhonne kaha, 'Subsidy bhugataan taalakar aur yojanaagat kharche mein 80,000 karod rupaye ki katauti kar aankado ke saath khel kiya gaya hai. Unhonne antarim bajat mein farjeevaada kiya. ' sinha ne kaha ki agali sarkaar unke jhooth ko saamane laane ke liye ek shvetapatr laaegi. Ek lekh ka havaala dete hue sinha ne kaha ki 1997-98 ke bajat mein Chidambaram ne raajakosheeya ghaata GDP ke 4.5 feesadi par rakhane ka lakshya tay kiya tha. Jab agali sarkaar ne 1998-99 ke liye bajat pesh kiya to ghaata badhkar 5.8 feesad pahunch gaya. Unhonne kaha, 'Mujhe tathyon ke aadhaar par chunauti dene ke bajaay Chidambaram ne vyaktigat taur par mujh par hamla karne ka nirnaya kiya. Main unhein yaad dilaana chaahoonga ki vitt mantraalaya mein 12 saal pehle khatm hua kaaryakaal mera kaaryakaal naheen tha jis par vah savaal khada karte hain. '

Kharaab Faainains Ministar Ho Sakta Hoon, Lekin Chidambaram Jaisa Fraud Naheen Yashavant http://www.angrejinews.com/pic/49426