Khanij Indhan Par Nirbharata Kam Karna Pramukh Lakshya Goyal

Business »

Khanij Indhan Par Nirbharata Kam Karna Pramukh Lakshya  Goyal

Nayi Delhi, 26 September (bhaasha) koyala mantri peeyoosh Goyal ne Budhvaar ko kaha ki jeevaashm indhan par nirbharata ko kam karna oorja kshetr mein sarkaar ki neeti aur kaaryakramon ka pramukh lakshya hai. Delhi mein vishv oorja neeti shikhar sammelan ko sambodhit karte hue Goyal ne kaha, ''Oorja kshetr mein chunautiyon ko lekar duniya sajag hai. Jeevaashm (koyala aur petrolium jaise khanij) indhan par nirbharata kam karna sarkaari neetiyon aur kaaryakramon ka pramukh lakshya bana rahega. '' unhonne kaha, '' praakrutik gas aur kachche tel ke liye Bhaarat bahut kuchh aayaat par nirbhar hai. Hamaare liye yeh nirbharata kam karne aur oorja ke vaikalpik sroton ki or rukh karne ki jaroorat hai jo saste bhi hon. '' unhonne kaha ki pichhle chaar saal se sarkaar ki koshish rahi hai ki khanij indhan ka upabhog ghataakar iske sthaan par svachh aur harit oorja ke istemaal ko badhaava diya jaae. Goyal rel mantri bhi hain. Unhonne kaha ki sarkaar ne naveekaraneeya oorja ko aage badhaane ke prayaas kiye hain. Bhaarat ne 2022 tak ek lakh megawatt saur bijli utpaadan kshamata sthaapit karne ka lakshya tay kiya hai. Goyal ne kaha, ''Bhaarat mein saur bijli ki keemat jeevaashm indhan ya koyala indhan aadhaarit bijli se kam hai. To spasht taur par yeh ek aisi vyavastha hai jahaan humne tej vruddhi ki hai aur is par aage bhi dhyaan rakha jaaega. '' unhonne kaha ki humne haal hi mein mantrimandal ki baithak mein bhaarateeya rel ke poore network ka vidyuteekaran karne ke prastaav ko manjoori di hai. Yeh shaayad duniya ka sabse bada poori tarah se vidyutachaalit rel network hoga. Is par mission ki tarah kaam kiye jaane ki yojana hai.

Khanij Indhan Par Nirbharata Kam Karna Pramukh Lakshya Goyal http://www.angrejinews.com/pic/225351