Kerala Vidhaanasabha Mein Sooryanelli Maamale Ki Goonj, Kuriyan Ne Jataai Saajish Ki Aashanka

Breaking »

Kerala Vidhaanasabha Mein Sooryanelli Maamale Ki Goonj, Kuriyan Ne Jataai Saajish Ki Aashanka

Tiruvanantapuram: Sooryanelli balaatkaar maamale mein Rajyasabha ke up sabhaapati PJ kuriyan ke khilaaf peedit dvaara lagaae gaye aaropon ki nae sire se jaanch ki maang ko lekar Kerala vidhaanasabha mein maakapa neet vipakshi LDF ne khoob hangaama kiya jiske kaaran sadan ki kaaryavaahi sthagit kar di gayi. Idhar, kuriyan ne aaropon ke peechhe raajaneetik saajish ka hona bataaya hai. Isse pehle, sarkaar ne 17 saal puraane is maamale ki fir se jaanch karaane ki LDF ki maang khaarij kar di. Hangaama kar rahe vipakshi sadasya takhtiyaan laharaate hue aasan ke samaksh aa gaye aur sarkaar ke khilaaf naare lagaane lage. Yah log sarkaar ke is rukh ka virodh kar rahe the ki maamale ki nae sire se jaanch sambhav naheen hai kyonki aaropon ki jaanch pehle hi ho chuki hai aur aarop bebuniyaad paae jaane ke baad uchchatam nyaayaalaya ne 2007 mein kuriyan ki khud ko bari karne ki yaachika ko manjoori day di thi. Vipaksh ke neta VS achyutaanandan ne kaha ki sarkaar ka rukh, mahilaaon ke khilaaf yaun aparaadhon ke baare mein raashtrapati Pranab mukharji dvaara ravivaar ko hastaaksharit adhyaadesh ki bhaavana ke viruddh hai. Is adhyaadesh mein praavadhaan hai ki balaatkaar maamale mein peedit ki gavaahi ko praathamikta di jaani chaahiye. Baharahaal, mukhyamantri umen chaandi ne kaha ki sarkaar maanati hai ki doshi ko saja milni chaahiye aur bekasoor ko 'Sooli par naheen chadhaaya jaana chaahiye. '

Kerala Vidhaanasabha Mein Sooryanelli Maamale Ki Goonj, Kuriyan Ne Jataai Saajish Ki Aashanka http://www.angrejinews.com/pic/1106