Kerala Ram Aur Raamaayan Ke Raaste BJP-sangh Ko Rokane Ki Jugat Mein Congress, CPM

Breaking »

Kerala Ram Aur Raamaayan Ke Raaste BJP-sangh Ko Rokane Ki Jugat Mein Congress, CPM

Tiruvanantapuram Kerala mein pehli baar raajaneeti raamaayan ke ird-gird ghoomti dikh rahi hai. Kerala ke do mukhya dal CPM aur Congress 17 July se shuroo hone vaale 'Raamaayan maas' ke selibreshan mein ek-doosare ko pachhaadne mein lage hue hain. Maheene bhar ki is dhaarmik kavaayad ka ek aham lakshya BJP aur raashtreeya swayamsevak sangh ke badhte prabhaav ko rokana bhi hai. 'Raamaayan maas' ke dauraan adhiktar hindu parivaaron mein rojaana is mahaakaavya ka paath hota hai. Hindu aisa maanate hain ki yeh maunasoon ke saath aane waali beemaariyon aur anya samasyaaon se unki raksha karega. Ek taraf CPM ne lekcharon ka aayojan kar logon ke saamane 'Asal Ram' ko laane ki taiyaari ki hai. Vaheen raajya Congress ka saanskrutik ang 'Vichaar vibhaag' ne raamaayan ko 'Hindu naishanalist' ke changul se mukt karaane ki yojana par kaam karega. Pavitra maheene ke pehle din yaani 17 July ko tiruvanantapuram se Congress saansad shashi tharoor Gandhi bhavan mein udghaatan sambodhan deinge. Congress ke vichaar vibhaag ke Chairman needumudi harikumaar ne kaha ki yeh pehli baar hai jab ham raamaayan maas mein raamaayan se jude kaaryakram kar rahe hain. Unhonne kaha ki unka lakshya mahaatma Gandhi dvaara ke Ram raajya par focus karna hoga aur ise vyaapak roop se logon ke saamane laaya jaaega. CPM seedhe-seedhe naheen balki 'Sanskrut sangh' ke maadhyam se raamaayan par hone vaale lekcharon se judegi. Kerala ke sabhi 14 jilon mein sanskrut sangh ki kameetiyaan hain, jinke adhiktar sadasya CPM sadasya hain. Kerala ke devasvavam mantri kadakampalli ka kehna hai ki RSS aur BJP satta haasil karne ke liye raamaayan ka istemaal kar rahe hain. CPM ke sootron ne spasht kiya ki shraddhaaluon ki bhaavanaaon ko aahat kiye bina ye lekchar sabaaltarn najariye se pesh kiye jaaenge. Sanskrut se pyaar karne vaale academic jagat se jude logon aur itihaasakaaron ek saal pehle sanskrut sangh ka gathan kiya tha. CPM state committee ke sadasya ke shivdaasan ne kaha ki party ke stand mein koi badlaav naheen aaya hai. Unhonne kaha ki ham mein se adhiktar sanskrut sangham ki aiktiviteej ke saath sahayog kareinge jo sanskrut premiyon ka secular aur pragatisheel forum hai. CPM ke sootron ne bataaya ki pichhli state committee baithak ke dauraan raamaayan lekcharon mein sahabhaagi hone ke prastaav par charcha hui thi. Party netrutv ko yeh mahasoos hua ki raamaayan ka istemaal kar samaaj ko saampradaayik karne ki koshish mein jute sangh ko rokane ke liye CPM kaidars ko is praujekt mein sakriyta se judna chaahiye.

Kerala Ram Aur Raamaayan Ke Raaste BJP-sangh Ko Rokane Ki Jugat Mein Congress, CPM http://www.angrejinews.com/pic/213842