Kerala Mein BJP Bada Abhiyaan Shuroo Karne Ki Taiyaari Mein, Shaah Kareinge Road Sho

Breaking »

Kerala Mein BJP Bada Abhiyaan Shuroo Karne Ki Taiyaari Mein, Shaah Kareinge Road Sho

Tiruanantapuram RSS padaadhikaari S. Raajesh ki hatya ke baad BJP kaaryakartaaon mein upaje aakrosh ko dekhte hue party ne Kerala mein ek bada road sho karne ka faisala kiya hai. Kannoor se tiruanantapuram tak chalne vaale lagbhag paanch sau kilometer ke is road sho ki shuruaat aur samaapan party adhyaksh amit shaah kareinge. Party is mega road sho ke jariye raajya mein apni mukhar virodhi CPM ko aakraamak tareeke se raajaneetik javaab dena chaahati hai. Party ko lag raha hai ki is mauke ka istemaal raajya mein BJP ka aadhaar majaboot karne ke liye bhi kiya jaae. Ullekhaneeya hai ki raajya mein CPM aur BJP RSS ke beech lambe samay se hinsaatmak takaraav hota aa raha hai, lekin BJP ka kehna hai ki raajya mein CPM ki aguaai waali sarkaar banane ke baad se BJP aur RSS kaaryakartaaon par lagaataar hamle ho rahe hain aur unki hatyaaen ki ja rahi hain. Ab party par lagaataar yeh dabaav ban raha hai ki vah in hatyaaon ke khilaaf aakraamak raajaneetik kadam uthaae. BJP sootron ne bataaya ki is mega road sho ki shuruaat onam ke baad September ke doosare saptaah mein kannoor se hogi. Lagbhag ek saptaah tak chalne wala yeh road sho raajya ke das jilon se hota hua tiruanantapuram pahunchega. Party ise kitni gambheerta se le rahi hai, iska anumaan isi baat se lagaaya ja raha hai ki ek saptaah tak rojaana BJP shaasit raajyon ka koi mukhyamantri aaur party ka senior leedar is road sho mein hissa lega. Road sho ka samaapan tiruanantapuram mein kiya jaaega. Gaurtalab hai ki haal hi mein RSS, BJP kaaryakarta sabse adhik hinsa ka shikaar kannoor aaur tiruanantapuram mein hi bane hain. Party netaaon ka kehna hai ki raajya mein CPM netaaon ko lagne laga hai ki ab yahaan BJP ka aadhaar majaboot ho raha hai, isliye kaaryakartaaon mein bhaya failaane ke maksad se chun-chunakar RSS aur BJP kaaryakartaaon ki hatya ki ja rahi hai taaki BJP ko yahaan paanv jamaane ka mauka hi na mil paae. Party netaaon ka kehna hai ki raajya mein pichhle ek saal mein party aur RSS ke ek darjan se jyaada kaaryakartaaon ko maut ke ghaat utaara gaya hai. Choonki hamlaavaron ko raajya sarkaar ka sanrakshan hai, isliye jaghanya vaaradaaton ke baavajood unhein jamaanat mil jaati hai aur fir ve baahar aakar gavaahon ko dhamakaate hain. Party sootron ka kehna hai ki choonki party ki najar ab Kerala mein apna vote bank badhaane par hai, isliye party ab yeh bada abhiyaan shuroo karne ja rahi hai. Party netrutv ko lag raha hai ki raajya mein senior netaaon ke is road sho se raajya sarkaar par bhi dabaav banega aur pablik ke beech bhi party apni baat rakh sakegi. Isse pehle pichhle saal September mein BJP ne isi maksad se kojheekod mein apni kaaryakaarini ki baithak bhi ki thi, jismein pradhaanamantri Narendra Modi ne raajya mein raajaneetik hinsa ka shikaar bane RSS aur BJP kaaryakartaaon par ek pustak ka bhi vimochan kiya tha.

Kerala Mein BJP Bada Abhiyaan Shuroo Karne Ki Taiyaari Mein, Shaah Kareinge Road Sho http://www.angrejinews.com/pic/166325