Kerala Baarish Khole Gaye 24 Baandh Ke Darvaaje, Fanse Hue Logon Ko Bachaane Ke Liye Sena Dati

Breaking »

Kerala Baarish Khole Gaye 24 Baandh Ke Darvaaje, Fanse Hue Logon Ko Bachaane Ke Liye Sena Dati

Tiruvanantapuram Kerala mein bhaari baarish, baadh aur bhooskhalan ka kahar jaari hai. Periyaar nadi ke lagaataar badh rahe jalastar ko dekhte hue kochchi airport ke doobne ki aashanka jataai ja rahi hai. Sabhi jilon mein control room banaae gaye hain. Raahat camp bhi lagaae ja rahe hain. Vaheen army aur airforce ke saath enadeeaaraef ki teemein bhi fanse hue logon ko baahar nikaalkar surakshit sthaanon mein bhej rahi hain. Padosi raajya Tamil Nadu ne Kerala ko 5 karod ki madad raashi bheji hai. Pichhle 24 ghante Kerala ke alag-alag hisson mein lagaataar ho rahi baarish ke chalte 26 logon ki maut ho chuki hai jabki 4 gaayab bataae ja rahe hain. Army aur airforce milkar idukki aur vaayaanaad mein reskyoo operation chala rahi hain. Vaheen badhte jalastar ki vajah se 24 baandh bhi khole gaye hain. Ismein idukki baandh bhi shaamil hai jahaan paani khatre ke nishaan ke oopar ja chuka hai. Iska bhi ek darvaaja aanshik taur par khola gaya hai jisse ek second mein 50 hajaar liter paani mukt kiya gaya. Bhaari baarish se hui tabaahi ko dekhte hue kai ilaakon mein red alert jaari kiya gaya hai. Kerala mein baarish se bhaari tabaahi hui hai. Padhein: Kerala mein bhaari baarish, 26 ki maut, army aur navy ki teemein madad ko pahuncheen, kai ilaakon mein red alert Sarkaar ke madad maangane ke baad chaar navy teemein aur ek si King helikauptar vaayaanaad mein fanse hue logon ko nikaalne ke liye pahunch chuke hain. Army ke 200 javaan ayaanakulu, idukki aur vaayanaad mein tainaat hain jabki 150 javaan kojhikod aur mallaapuram ki or bheje gaye hain. Baarish aur bhooskhalan ke chalte vaayanaad aur idukki mein bhaari nuksaan hua hai. Sabhi jilon mein banaae gaye control room Isi ke saath ernaakulam ke do gaanvon mein rileef camp bhi khole gaye hain jahaan sharanaarthiyon ko rakha gaya hai. Idukki jile mein 11, malaappuram mein 6, ernaakulam mein 3, kojhikod mein 2 aur vaayaanaad mein 1 ki maut ho gayi hai. 4 laapata hain. Sthiti ko dekhte hue sarkaar ki or se sabhi jilon mein 24x7 kaam karne vaale control room banaae gaye hain. Isi ke saath 1077 hotline number ko sabhi baadh prabhaavit jilon mein sakriya hai. Kerala mein baarish se bhaari tabaahi hui hai. Lainding seva fir shuroo hui Udhar kocheen antararaashtreeya havaaiadda limited (seeaaieel) ne periyaar nadi mein badh rahe jalastar ko dekhte hue havaaiadda kshetr ke jalamagn hone ki aashanka ke tahat guruvaar dopahar ek baje ke kareeb yahaan vimaanon ki lainding par rok laga di thi. Seeaaieel periyaar nadi ke nikat sthit hai. Haalaanki 3 bajkar 5 minute par dobaara seva shuroo ki gayi thi. America ne di yaatra na karne ki salaah Baarish aur baadh se joojh rahe Kerala ki sthiti dekhte hue America ne apne naagrikon yaatra par jaane se bachane ki salaah di hai. Ismein kaha gaya hai ki dakshin-pashchimi monsoon ke kaaran raajya mein bhaari baarish, baadh aur bhooskhalan ki ghatnaaen ho rahi hain. Aise mein ameriki naagrikon ko raajya ke sabhi prabhaavit kshetron ki yaatra karne se parahej karna chaahiye. Ismein kaha gaya hai ki Kerala mein bhooskhalan aur baarish ke kaaran aane waali baadh se prabhaavit kshetron mein jaane se bachein. Kerala ke malappuram mein baarish se sadak baheeX.

Kerala Baarish Khole Gaye 24 Baandh Ke Darvaaje, Fanse Hue Logon Ko Bachaane Ke Liye Sena Dati http://www.angrejinews.com/pic/217848